Kalocsai Főegyházmegyei Körlevelek, 1934

Index

(1° PLI 1934. É V I FŐEGYHÁZMEGYEI HIVATALOS KÖZLEMÉNYEK 1. szám. Nr. 164. Vota Archipraesulis initio novi anni. Anno renascente considerare iuvat illud Sapientis: „Mementó quae ante te fueruní et quae superventura sünt tibi!" (Eccl. 41, 5.) Etsi pressura ex iniqua rerum condicione proveniens anno elapso non sit mitigata, minimé tamen desunt eventus, qui uti animo solatium praebent, ita et prorsus digni sunt, quorum memória hic recolatur. Iam initio anni praeteriti orbem Christianum summo replevit gaudio laetus ille nuntius, quod Christi Vicarius undevicesimo exeunte saeculo a peracta humani generis Redemptione annum sanctum extra ordinem ac generale maximumque Iubilaeum indixil. Celebratio huius iubilaei cogitationes hominum a terrenis caducisque rebus — parumper saltem — ad caelestia perpetuaque bona conversit; et ex premente horum temporum calamitate ad spem sempiternae illius beatitudinis animum erexit, ad quam nos Christus Dominus vocavit suo profuso sanguine immensisque editis in omne genus beneficiis. Ut divina haec mysteria grato animo recolamus, flagrantique zelo per piacularem annum fructus Redemptionis acquiramus, in omnibus ecclesiis huius Archidioecesis institutum est pium exercitium s. d. horae sanctae, quod ubique magnó concursu fidelium celebrabatur. Quoniam autem plena commissorum venia per piacularem hunc annum Romae dumtaxat lucri fieri potuerit, menseOctobri ad sanctuaria Urbis aeternae peregrinati sumus. Sexcenti fere utriusque sexus fideles e piurimis huius Archidioecesis parochiis et aliunde congregati cum quadraginta sacerdotibus una Nobiscum peregrinationem iubilarem feliciter et laetissimo cum successu peregerunt. Sua Sanctitas turmam peregrinantium ad solium suum consistentem gratiosissime excipere, benedictione Sua Apostolica munire et paterno Suo alloquio recreare et beare dignata est. Hac vice licet iuvat meminisse praecipuorum anni praeterlapsi eventuum. Deo iuvante ecclesiam parochialem in suburbio Coloczae honoribus beafi Emerici dicatam, mira arte exstructani et rite ornatam die 8. Septembris sollemni ritu dedicavimus et cultui sacro tradidimus. Ampliata sunt insuper sacella in Állampuszta et in Mária-Könnye. Sacrae missiones habitae sunt in parochiis civitatis Baja, in Jánoshalma et in Kelebia ad S. Annám. Actio Catholica in singulis fere communitatibus catholicis constituta et per consilia districlualia necnon consilium archidioecesanum organizata est. Aclivitati huius organizationis adscribenda est peregrinatio Romana, promotio generális catholici preli, et imprimis cooperatio fidelium in operibus caritatis. Fidelium corda, penes quos viget fides et christiana caritas, molestiae, aerumnae et inopia lamentabilis, quae ubique observari possunt, ad piam quamdam amoris contenlionem movebant, ut egenlium necessitatibus fructuose subvenirent. Haec collata nobis beneficia imis praecordiis infixa esse debent et illorum perpetui debitores simus oportet! Memória praeteritorum bonorum, quae recepimus, maiorem in nobis fervorem ac fiduciam gignat oportet. Deus optimus maximus, qui anno elapso tot tantisque nos cumulavit beneficiis, prosperum faciat nobis inchoatum nóvum annum. Incipiamus igitur — Fratres Filiique dilectissimi — primas huius anni dies singulari pietate, fausturn anni decursum ab Eodem impetrantes. Quod quidem eo magis nobis arridet, quum extensionem anni iubilaris in universum orbem a Sanctissimo Patre sperare possimus. Faxit Salvator Divinus Jubilatus, ut fideles redempti hoc anno novo uberiore caritate fervescant et ad Amantem redamandum veluti suavi quadam necessitate compellantur!