Kalocsai Főegyházmegyei Körlevelek, 1930
Index
59 1930. ÉVI FŐEGYHÁZMEGYEI HIUATALOS KÖZLEMÉNYEK 17. szám. 4028. sz. De diminutione provinciáé Colocensis et Bacsiensis. Quod de facto iam in vigore erat, nunc de jure fieri maximo dolore, sed inscrutabili providentiae divinae humillime obtemperans ad notitiam vestram perfero. Constitutio Apostolica de nova circumscriptione et ordinatione hierarchica dioecesium ritus tam latini tam graeci-rumeni in Romaniae regno Pius episcopus servus servorum Dei ad perpetuam rei memóriám. Solemni Conventione nuper inita et confirmata inter Apostolicam Sedem et Romaniae Regnum, provisum est, inter alia, novae circumscriptioni et ordinationi hierarchicae dioecesium tum latini, tum graeci-rumeni ritus in ipso regno exstantium. Iam vero Nos, ut ad effectum deducantur quae ad rem statuta sunt, quaeque in christifidelium spirituálé bonum et in ecclesiasticae administrationis maiorem utilitatem potissimum cedere visa sunt, omnibus mature perpensis ac certa scientia, suppleto, quatenus opus sit, quorum intersit aut eorum qui sua interesse praesumant consensu, Apostolicae potestatis plenitudine, quae sequunturstatuimus atque decernimus: I. Dioeceses latini ritus, immutatis manentibus finibus archidioecesis Bucurestiensis et dioecesis Albae Iuliensis, ita noviter circumscribimus, ut earum limites cum civilibus finibus cohaereant, iuxta modum qui infra describitur. Earn territorii Romanici partem, quae iam ad dioecesim Csanadiensem pertinebat et usque modo sub administratione apostolica Timisoarensi constituta erat, suppressa hac administratione, in dioecesim erigimus, cuius fines erunt: ad orientem, archidioecesis Bucurestiensis et dioecesis Albae Iuliensis ; ad meridiem et occidentem, fines politici regni Jugoslavi et regni Hungarici ; ad septentrionem, dioeceses Satmariensis et Magno-Varadinensis latinorum. Novam hanc dioecesim ab urbe Timisoara, in qua sedem episcopalem et cathedram constituimus, Timisoarensem nuncupari volumus. Ecclesiam vero sub titulo S. Georgii Martyris in eadem urbe exstantem ad gradum et honorem ecclesiae Cathedralis evehimus, eique ac eiusdem pro tempore Episcopis omnia tribuimus iura, insignia ac privilegia, quae ad normám sacrorum canonum ipsis competunt. Capitulum autem in eadem ecclesia exsistens ad titulum et dignitatem extollimus Capituli cathedralis, cum omnibus iuribus et privilegiis, oneribus et obligationibus, quibus cetera Capitula cathedralia iure communi fruuntur ac tenentur. Dioecesim Satmariensem, quae partim etiam in rempublicam Cecoslavacham et partim in regnum Hungaricum protenditur, itemque dioecesim Magno-Varadinensem latinorum, quae in regno quoque Hungarico ex parte patet, respective ad eas partes dumtaxat coarctamus, quae in territorio Romanico exstant, atque invicem perpeíuo aeque principaliter unimus sub dioecesium Satmariensis et Magno-Varadinensis latinorum denominatione. Utriusque autem dioecesis regimen Ordinario Satmariensi concredimus, administratione apostolica idcirco, ipso facto cessante dioecesis Magno-Varadinensis latinorum. Regionem Bucovina ab archidioecesi Leopoliensi Latinorum, ad quam hactenus de iure spectabat, seiungimus, ipsamque dioecesi Jasensi sive in spiritualibus, sive in temporalibus perpetuo attribuimus. Ita dioecesanis limitibus praefinitis, volumus ac iubemus ut omnes latini ritus dioeceses in unam coalescant provinciám ecclesiasticam cuius metropolitana erit archidioecesis Bucurestiensis, suffraganeae vero reliquae dioeseses erunt, videlicet Transilvaniensis, quae hucusque metropolitanae Ecclesiae Colocensis erat suffraganea; Timisoarensis, cuius territórium hactenus metropolitico iuri eiusdem Colocensis archidioecesis subiiciebatur; Satmariensis et Magno-Varadinensis Latinorum, quarum prima archidioecesis Agriensis, altera archidioecesis Colocensis hucusque erat suffraganea ; nec non Jasensis, antehac Apostolicae
