Kalocsai Főegyházmegyei Körlevelek, 1928

Index

— 108 Nr. 5142. Scholae cantorum aSsmo Patre commendantur. ut germanum de re musica liturgica Corpus iuris efficere videantur. Verum, quemadmodum haud raro accidit, tum praecipue, cum malae sunt consuetudines exstirpandae radicitus, sicubi voluntati Pontificis rite obtemperatum est, alibi tarnen aut Piana praescripta iacuisse aut pristina denuo irrepsisse vitia bene multi conqueruntur. Ouamobrem vestrum erit, cum conveneritis, videre diligenter quaenam e Piauis legibus obser vandae supersint, quidnam ad exquisitiorem cantus gregoriani et musicae ecclesiasticae usum propagandum desideretur, quid denique agendum ut chistianus populus

, liturgico spiritu interius imbutus, ubi nondum assuevit, sacra communiter concinendo participet: qui vero disputationum vestrarum cursus fuerit atque exitus, a te, dilecte tili Noster, perlibenter audiemus. Ceterum si iu Guidonis scriptis de vitioso, qui tum erat, psallendi concinendique more plus ijemel querelae moventur, putamus, in hac saeculari faustitate rectius eius memóriám celebrari non posse, quam si illa, quae Guidoni fuerat in votis, psalmodiae cantusque emendatio et urgeatur acrius et ad effectum optatissimum properet. — Laboribus interea huius quarti decimi conventus vestri bene precamur; eiusdem autem successum adiuvet apostolica benedictio, quam, caelestium luminum donorumque conciliatricem paternaeque benevolentiae Nostrae testem, tibi, dilecte fili Noster, et sodalibus Caecilianae Consociationis Italicae universis peramanter in Domino impertimus. Datum Romae apudSanctumPetrum, die XVII mensis Április anno MDCCCCXXVIII, Pontiticatus Nostri septimo. Pius Pp. XI. Ad Emum P D. Petrum, S. R E Presb. Cardinalem Segura Y Saenz, Archiepiscopum Toletanum

: de conventu musicae sacrae provehendae ex Hispania universa. PIUS PP. XI. Dilecte fili Noster, salutem et apostolicam benedictionem. — Certiores nuper facti sumus Conventum musicae sacrae provehendae ex Hispania universa mox Victoriae actum iri, anno quidem exeunte quinto et vicesimo ex quo decessor Noster p. r. Pius X novam legem de musica in templis adhibenda motu proprio promulgavit. Optimum sane consilium vos iniistis planeque dignum eo pietatis ardore quo hispani in decore domus Dei curando tantopere enitent. Ecquid autem magis templi maiestatem decet quam sacris eis concentibus in liturgia uti, quibus commoti fideles et religiosius divina mysteria participent et animos fidentius ad Deum erigendo magnam eius gloriam concelebrent ? Dent igitur operam cum Ordinarii tum curiones ut scholae canlorum ubique, si possibile est, constituantur gregorianum cantum, uti vocant, non neglegentes, qui quidem si rite ab universo populo efficiatur, tantam vim habet pietatem fidemque excitandi. Nos vero qui eandem legem, quam Pius X motu proprio edixerat, dudum in Litteris ad dilectum filium Nostrum Cardinalem Bisleti, die XXIII mensis Augusti anno MDCCCCXXIII datis. confirmavimus ratamque habuimus, id fore confidimus ut, quemadmodum ceterae liberales artes domum Dei merito condecorant, ita musica sacra, bonis omnibus adnitentibus, eam istic assequatur dignitatem quam maiestas sacri loci expostulat Qua spe laeti, tibi imprimis, dilecte fili Noster, ceteris in episcopatu collegis iisque omnibus qui Conventui intererunt, apostolicam benedictionem, divinorum auspicem munerum paternaeque benevolentiae Nostrae testem, amantissime in Domino impertimus. Datum Romae apud Sanctum Petrum, die XVIII mensis Octobris anno MDCCCCXXVIII, Pontificatus Nostri septimo. Pius Pp. XI. Indulgentia Plenaria conceditur recitantibus Mariale Rosarium coram Ssmo Eucharistiae SacramentoPIUS PP. XI Ad perpetuam rei memóriám. — Ad Sancti Dominici, Bononiensi in civitate, proximis diebus sollemnissima Conventus eucharistici habebitur celebratio, quam ad excitandam provehendamque christifidelium pietatem erga Sanctissimum Eucharistiae Sacramentum summopere profuturam confidimus. Generalis vero Magister Ordinis Praedicatorum, cum in amplissimam sui Ordinis Basiiicam, in qua corpus Fundatoris religiosissime servatur, ipsius Congressionis coetus conveniant, enixis precibus Nos rogat ut peculiari de thesauro Ecclesiae indulgentia, praeclarahac faustaque occasione, christifideles donemus, qui Rosarium Beatae Mariae Virginis, a Patriarcha Sancto Dominico ad honorem Deiparae institutum, ante augustum D. N. Iesu Christi sub velis eucharisticis delitescentis Sacramentum recitaverint Quibus supplicationibus Nos, cognitum ac perspectum habentes opportunum admodum esse ut hanc Indulgentiam concedamus, quae, cum a Sancto Dominico simul atque a pietate eucharistica suam originem repetat, Conventus eucharistici Bononiensis, cuius certo quodam modo praefata Sancti Dominici ecclesia cardo érit. ; Nr. 5141. ; Indulgentia recitantibus rosarium coram Ssmo Í J l > 1