Kalocsai Főegyházmegyei Körlevelek, 1918

Index

XV. Nr. 5147. Indulgentiae conceduntur sodalibus Dni Infantís Jesu sub titulo Pragensis. BEXEDICTUS PP. XV. Ad perpetuam rei memóriám. — Benigne annuentes oblatis Xobis precibus a Procuratore Generali Ordinis Carmelitarum Excalceatorum, collatisque consiliis cum dilecto filio Nostro S. R. E. Cardinali Maiore Poenitentiario, de omnipotentis Dei misericordia ac Bb. Petri et Pauli Apostolorum Eius auctoritate confisi, omnibus et singulis nunc et in posterum existentibus sodalibus Domini Infantis Iesu sub titulo Pragensis, ubique terrarum, qui die quo festum sodalitatis celebratur, quotannis, admissorum sacramentali confessione expiati et coelestibus epulis refecti, propriam, si exstet, sodalitii ecclesiam, secus quodvis publicum templum sive sacellum, a medietate praecedentis diei ad mediam usque noctem festivitatis eiusdem, devote visitent, ibique pro christianorum principum concordia, haeresum exstirpatione, peccatorum conversione ac S. Matris Ecclesiae exaltatione pias ad Deum preces effundant, plenariam omnium peccatorum suorum indulgentiam et remissionem, quam etiam animabus fidelium in purgatorio detentis per modum sufiragii applicari posse, misericorditer in Domino concedimus et largimur. Commoditati autem sodalium eorundem benigne prospicientes, cum pluribus in locis exercitium menstruum sodalitatis proprium non die vicesimo quinto mensis, sed alio, locum habeat, largimur, ut ipsa die sodales, qui illo exercitio adsistunt, indulgentias quo die vicesimo quinto concessas lucrari licite queant, dummodo quae iniuncta sunt pietatis opera in Domino rite peregerint. Insuper facultatem facimus, concessionem hanc Nostram in sodalitatis summario, dummodo idem iam sit rite adprobatum, inserendi. Contrariis non obstantibus quibuscumque. Praesentibus perpetuis LITT. CIRC. 1918. futuris temporibus valituris. Volumus autem ut praesentium Litterarum transumptis, seu exemplis, etiam impressis, manu alicuius Notarii publici subscriptis ac sigillo personae in ecclesiasticadignitate vel officio constitutae munitis eadem prorsus fides adhibeatur quae adhiberetur ipsis praesentibus si forent exhibitae vel ostensae. Datum Romae apud sanctum Petrum, sub annulo Piscatoris die XXII iulii MCMXVIII, Pontificatus Nostri anno quarto. — P. Card. Gasparri a Secretis Status. Coloczae, die 28. Octobris 1918. Hodiernus Episcopus Herbipolen. Apostolicae Sedi sequentia dubia, pro opportuna declaratione, humillime exposuit nimirum. Iuxta Canonem 1108. Codicis Jur. Can. Ordinarii locorum benedictionem nuptialem permittere possunt, ex iusta causa, etiam tempore Adventus usque ad Nativitatem Domini inclusive, et a Feria IV. Cinerum usque ad Dominicam Paschatis inclusive, salvis legibus liturgicis. Hinc quaeritur: I. Si Ordinarii ex hac licentia, quae non limitata esse videtur, benedictionem nuptialem permittant in Nativitate Domini et Dominica Resurrectionis, licetne Orationi Missae de respectivo Festo addere commemorationem pro sponsis, quamquam haec Festa, sicuti alia Festa Epiphaniae, Pentecostes, SSmae Trinitatis et Corporis Christi, ullam aliam orationem excludant? II. Licetne tempore clauso Missam votivam pro sponsis celebrare ? III. In vigiliis, occurrentibus extra tempus clausum, privilegiatis, nempe Pentecostes et Epiphaniae, licetne legere Missam votivam pro sponsis? Sacra Rituum Congregatio, audito specialis Commissionis suffragio, et prae oculis 15 Nr. 5148. De missa votiva, vel coramemoratione pro sponsis.