Kalocsai Főegyházmegyei Körlevelek, 1916

Index

— 121 — Nr. 3859. Orationes pro reversione schismaticorum et ad S. Petrum apóst, indulgentiis ditantur. T~\uo hisce decreta Suae Sanctitatis publico ope quorum preces quaedam e thesauro Ecclesiae sacris ditantur indulgentiis. Ipsas autem preces in Hungarica versione inferius communico. I. Oratio ad populos Christianos Orientis cum ecclesia Romana iungendos indulgentiis ditatur. BENEDICTUS PP. XV. Ad Catholicae Ecclesiae veritas unitate perpetuam rei memóriám. — Cum imprimis eluceat, nihil est magis exoptandum, quam ut homines, ab huius Matris complexu infeliciter abrepti, ad eam tandem, mutatis mentibus voluntatibusque, revertantur. Quae quidem desideria ac vota Romani Pontifices, Decessores Nostri numquam concipere destiterunt et, quod potissimum ad Orientis schisma pertinet omni tempore, sive Conciliorum auctcritate, sive paternis hortationibus, sive etiam opera precationibus data, pro viribus conati sunt, ut tam multae ac nobiles Christianorum gentes antiquam fidem, a qua misere desciverunt, denuo et corde uno et anima una profiterentur. Preces igitur, quas subiicimus, quaeque eo spectant, ut Christiani ex Oriente populi unum cum Romana Ecclesia ovile iterum constituant, et ab uno regantur Pastore, libenti quidem animo ratas | habemus, et auditis quoque VV. FF. NN. S. R. E. Card. Inquisitoribus Generalibus, eas caelestibus Ecclesiae thesauris, quorum dispensatores Nos Altissimus delegit, summa voluntate locupletamus. Quare omnibus ex utroque sexu fidelibus, qui ubique terrarum insequentes preces quolibet idiomate dummodo ad verbum sint expressae, per mensem quotidie recitaverint, atque uno ipsius mensis, ad suum cuiusque arbitrium eligendo, die, vere poenitentes et confessi ac S. Communione refecti, vei aliquam Ecclesiam, vei publicum Oratórium devote visitaverint, ibique ad mentem Nostram oraverint, plenariam oinnium peccatorum suorum indulgentiam et remissionem misericorditer in Domino concedimus ac largimur. Iis vero fidelibus, qui, corde saltem contrito, quovis die easdem preces fuderint, trecentos dies de iniunctis eis seu alias quomodolibet debitis poenitentiis in forma Ecclesiae consueta relaxamus. Quas omnes indulgentias, peccatorum remissiones ac poenitentiarum relaxationes etiam animabus Christifidelium in Purgatorio detentis per modum suffragii applicari posse misericorditer indulgemus. In contrarium facientibus non obstantibus quibuscumque. Praesentibus perpetuo valituris. Denique, ne quid postea immutationis vei erroris in subiectis precibus irrepat, earum exemplar