Kalocsai Főegyházmegyei Körlevelek, 1915

Index

13 III. Nr. 200. Themata Theologica a tq15. elucubranda. 7"enerabili Clero Curato pro 1915. sequentia proponuntur themata theologica scripto elucubranda: Semestri 1. a) E sLuclio Biblico Novi Testamenti: Exponatur pericopa evangelica Dominicae III. Quadragesimae (Lucae 11, 14—28.) in qua narratur, Jesum sanato daemoniaco muto confutasse pharisaeos consortii cum Beelzebub eum arguentes; mulierem vero quandam beatam praedicasse matrem Jesu. b) E Theologia Dogmatica Speciali-. Ad conceptum justificationis supernaturalis in adultis non sufficit tantum fides, sed requiritur mutatio cordis et propositum servandi mandata divina. c) E Theologia Moráli: In ephemeridibus passim venalia annunciantur et in officinis publicis libere venduntur média et instrumenta ad conceptionem impediendam inservientia, et in multis locis late grassatur usus matrimonii onanisticus. Hinc quaeritur l-o, utrum adhibere média ad impediendam conceptionem ordinata per se illicitum sit, vei aliquando ex gravi causa permitti possit? — 2-o An usus conjugii onanisticus eadem prorsus ratione prohibitus sit? 3-o Quomodo se gerere debeat confessarius cum conjugibus de abusu matrimonii prorsus tacentibus ? Semestri II. d) E Theologia Fundamentali: Resurrectio Jesu Christi a mortuis est verum miraculum et certum argumentum divinae legationis ejus. e) E Iure Canonico: Joseph parochus advocatur ad sacramenta ministranda Cajo moribundo, qui in domo Flaviae vivebat jam a pluribus annis operám navans studiis Juris. Cajus amore Flaviae captus ei matrimonium promiserat; qua ei facta promissione, tres ex ipsa filios conceperat, adhuc viventes. Licet Flavia honestae sit familiae et paris conditionis cum Cajo, qui aetatem jam habét vigintisex annorum, Flaviae mater matrimonio semper se opposuit, patre jam deíuncto. Cum Joseph Cajum optime dispositum repererit, et tempus instaret, stante gravitate morbi, matrimonium coram testibus celebravit. Verum celebrato matrimonio reperitur Cajum et Flaviam consanguineos esse in quarto gradu in linea aequali. Sine mora parochus dispensationem petit et obtinet, et pergit ad Cajum, ut matrimonium convalidare possit. Praesente Flavia et praesentibus testibus parochus Cajum compellat, ut suum renovet consensum. Sed Cajus in agonis lethargo constitutus nihil aliud fecit, nisi oculos ad parochum convertere et pluries suspirium emittere, ac post quatuor horas mortuns est. Statim post ejus mortem novis factis inquisitionibus apparuit, Caji avum fratrem fuisse proaviae Flaviae. Mortem autem filii ejusque matrimonium audiens Caji mater, contendit, matrimonium filii fuisse omnino invalidum; unde pinguem filii haereditatem sibi vindicat eo vei magis, quod matrimonium hoc propter absentiam praefecti civiliter prius non fuerit contractum. Quaeritur l-o, An parochus recte egerit matrimonium celebrando? 2-o An praedictum matrimonium fuerit validum ?