Kalocsai Főegyházmegyei Körlevelek, 1915

Index

XXXIII. Nr. 5765. Relaxatio in lege jejunii et abstínentiae pro 1916. T 7igore facultatum a S. Sede Apostolica ^ die 11. Julii 1911., die 3. Maji 1912., die 18. Septembris 1912. et die 15. Maji 1914. concessarum tenores dispensationis in lege abstínentiae et jejunii pro a. 1916. his statuuntur: I. Dies jejunio simul cum abstinentia dicati: 1. Feria IV. Cinerum. 2. Feria VI. Adventus, Quadragesimae et Quatuor temporum. 3. Sabbato Sancto usque ad meridiem, inde a meridie et jejunium et abstinentia cessat. 4. Vigiliae Nativitatis, Pentecostes et Assumptionis B. M. V. II. Dies jejunii absque abstinentia, quibus una comestio ad satietatem et modica insuper refectio cum usu carnis, servata tamen quantitatis proportione, in collatiuncula permittitur. 1. Omnes dies Quadragesimae exceptis Dominicis (quoad feriam IV. Cinerum, ferias VI. Adventus, Quadragesimae et quatuor Temporum et Sabbatum Sanctum confer supra). 2. Feriae IV. temporis Adventus. 3. Feriae IV. et Sabbata quatuor Temporum. 4. Vigiliae SS. Apostolorum Petri et Pauli et Omnium Sanctorum atque SS. Patronorum. III. Dies abstínentiae tantum dicati: Omnes reliquae Feriae VI. per annum. IV. Dispensationes ab abstinentia: 1. Pro aliquibus locis quoties ibidern nundinae in aliquem abstinentiae diem incidunt. 2. Pro quibusdam personis : a) Pro omnibus diebus, exceptis Feria IV. Cinerum, feria VI. Hebdomadae Sanctae et Sabbato Sancto usque ad meridiem et Vigiliis Nativitatis Domini et Pentecostes dispensantur operarii in fabricis, item laici, qui in cauponis debent manducare, ubi cibi esuriales facile haberi non possunt. bj Pro omnibus diebus, excepta Feria VI. Hebdomadae Sanctae dispensantur sic dicti Conductores in viis ferreis; itinerantes, quando in tabernis viae ferreae vei navium vapore motarum manducare debent; qui valetudinis recuperandae causa in balneis morantur cum familiaribus et suis familiis. c) Ab obligatione abstinentiae prorsus excipiuntur, si cibos esuriales non habent, illi qui propter nimiam paupertatem quibuscumque cibis sustentari debent; caeteri quoque quamdiu debent in familia degere, in qua cibi esuriales non apponuntur, excepta Feria VI. Hebdomadae Sanctae. IV. Quoties dies abstinentiae vei jejunio consecratus in festum fori et Patronorum ecclesiae, item in festa a Pio Papa X. abrogata, sed cum debita populi frequentia celebrata inciderit, fideles super lege jejunii et abstinentiae dispensantur. V. Vetitum mixtionis carnium et piscium diebus Dominicis Quadragesimae et diebus, in quibus super lege abstinentiae dispensatio concessa est, tollitur.