Kalocsai Főegyházmegyei Körlevelek, 1913

Index

— 35 — VIII. Nr. 1549. Indulgentiae pro piis exercitiis in honorem S. Annae. Die 22. Augusti 1912. Ssmus D. N. D. Pius div. prov. Pp. X. in audientia R. P. D. Adsessori S. Officii impertita, ad majorem fldelium devotionem erga beatam DeiGenitricis Matrem provehendam, benigne concedere dignatus est, ut, qui corde saltem contriti, vei immediate ante festum S. Annae, vei iterum quolibet alio anni tempore, piis exercitiis novem feriis tertiis sibi per totidem hebdomadas ininterrupte consequentibus, in honorem ejusdem Sanctae vacaverint, indulgentiam septem annorum septemque quadragenarum semel in die, in unaquaque ex praedictis feriis, lucrari valeant: qui vero praeterea confessi ad S. Synaxim accesserint et ad mentem Summi Pontificis oraverint, plenariam indulgentiam consequi possint. Concessit porro, ut qui novemdialibus in honorem ejusdem B. Annae supplicationibus, per preces a competenti auctoritate approbatas, corde saltem contriti, sive ante festum, sive iterum alio per annum tempore dent operám, singulis piae exercitationis diebus, semel in die, indulgentiam septem annorum totidemque quadragenarum adquirere; quo tamen die ex praedictis, vei alio ex octo subsequentibus, ad cujuslibet arbitrium eligendo, praeterea ad confessionis et communionis sacramenta accesserint, et ad mentem Summi Pontificis oraverint, plenariam lucrari possint. Indulsit tandem, ut praefatas indulgentias, si quis malit, animabus in purgatorio degentibus, per modum suffragii, applicare queat. Praesenti in perpetuum valituro, absque ulla Brevis expeditione. Contrariis non obstantibus quibuscumque. L. f S. M. Card. Rampolla. f D. Archiep. Seleucien., Ads. S. Off. . Coloczae, die 30. Mártii 1913. Pc Postremis hisce annis haud raro contigit, ut per cinematographa et projectiones, ut ajunt, actiones quaedam scenicae in ecclesiis haberentur. Quod, etsi pio juvandae religiosae fidelium institutionis desiderio peractum fuerit, visum tamen est periculis atque incommodis facile locum dare. Quum itaque nonnuli Sacrorum Antistites ab Apostolica Sede quaesiverint, utrum ejusmodi usus tolerari possit an potius cohiberi debeat, ad Emmos S. Congregationis Consistorialis Patres delata res est. — Porro hi considerantes, aedes Deo dicatas, in quibus divina celebrantur mysteria et fideles ad caelestia et supernaturalia eriguntur, ad alios usus et praesertim ad scenicas actiones etsi honestas piasve agendas converti non debere, quaslibet projectiones et cinematographicas repraesentationes prohibendas omnino esse in ecclesiis censuere. Ssmus autem D. N. Pius PP. X. sententiam Emmorum Patrum ratam habuit confirmavitque, atque hoc jussit edi generale decretum, quo ea agi in ecclesiis prohibetur. Contrariis quibuscumque non obstantibus. Dátum Romae ex S. C. Consistoriali, die 10. Decembris 1912. C. Card. De Lai, Secretarius. — Scipio Tecchi, Adsessor. Coloczae, die 30. Mártii 1913. Solemnitas Sancti Joseph, Sponsae Beatae Mariae Virginis cum Octava hoc anno Dominica III. post Pascha et Festum Nativitatis Sancti Joannis Baptistae pariter cum Octava Dom. VI. post Pentec. celebrabuntur. Lectiones infra Octavam Solemnitatis S. Joseph et S. Joannis Baptistae pro II. et III. Nocturno praescriptae ordinibus his sub •/. annectuntur. Coloczae, die 30. Mártii 1913. Nr. 1550. Scenicae actiones in ecclesiis prohibentur. Nr. 1551. Lectiones infra Octavam S. Joseph et Joannis Bapt. LITT. CIRC. 1913. 11 11