Kalocsai Főegyházmegyei Körlevelek, 1910

Index

— 38 — 85. Utrum habeatur magister pietatis, vulgo director spirituális, in Seminario degens et nullo alio officio implicatus; et an, praeter ipsum, sufficiens copia aliorum confessariorum detur. 86. Utrum adsint deputati pro disciplina et pro oeconomia a S. Concilio Tridentino praescripti: et an Ordinarius eorum consilium juxta juris praescripta requirat. 87. Utrum magistri in Seminario convivant, necne: et an quoad eorum idoneitatem, pietatem, agendi rationem (praesertim si Seminarium incolant) aliquid animadvertendum sit. 88. Ouot sint actu Seminarii alumni: et an inter eos admittantur qui ad statum ecclesiasticum certe non aspirent An et quot externi alumni habeantur; qua de causa: et an fieri possit ut et ipsi quam primum Seminarium ingrediantur: interim quomodo vigilentur: an saltem cura sit ut ante sacram ordinationem per aliquod notabile tempus in Seminario degent. An et quot alumni extra dioecesim instituantur, ubi et qua de causa. Et vicissim an clerici alterius dioecesis in Seminarium dioecesanum recepti sint, quot, quarum dioecesum, et quibusnam de causis. 89. Si unum sit Seminarium, et simul convivere debeant aetate juniores cum majoribus, an debitae cautelae adhibeantur, ut seorsim hi ab illis et cum disciplina suae cujusque aetatis propria instituantur. 90. Quomodo pietas et disciplina excolatur in Seminario: quaenam sit sacramentorum frequentia : an quoties in anno et quomodo spirituales exercitationes fiant. 91. Quot annis, qua lingua, qua raethodo, quorum auctorum textibus theologiae et philosophiae studia absolvantur: quot et quaenam disciplinae hisce accesoriae tradantur. Quot annis et qua methodo humaniora studia perficiantur: et in his praeter linguas i latinam, graecam et propriae nationis an et quaenam aliae disciplinae tradantur. An clerici in sacris caeremoniis et cantu liturgico instituantur. 92. An prohibeantur alumni a lectione librorum ac diariorum, quae quamvis in se innoxia, eos tamen a studiis suis distrahere possunt. 93. Utrum Ordinarius saepe Seminarium invisat et alumnos pro viribus ipsémét audiat, ut cognoscat quo spiritu educentur, quaenam sit eorum pietas, quinam in studiis profectus. 94. Quae regulae serventur in promotione alumnorum ad brdines: quale scrutinium habeatur et quale examen, ut constet quinam pietate, scientia, vitae integritate aliisque requisitis sacra ordinatione digni et idonei censeantur: an spirituales exercitationes praemittantur: an interstitia serventur: quo titulo ordinentur. 95. Utrum ab ultimo quinquennio extraordinarium aliquid in Seminario acciderit sive bonum sive malum. 96. Utrum adsit rusticationis domus, et ibi alumni feriarum tempore adunentur. Ea si desit, an et quae spes sit ut comparetur, et ibi alumni saltem maxima ex partre temporis agant ferias. Interim dum ad suos revertuntur, an parochi naviter de iis curam habeant, et Ordinarium certiorem reddant de eorumdem agendi ratione: quaenam hac de re normae praescriptae sint in dioecesi. 97. Utrum cura sit ut majoris spei clerici, sive ante, sive post susceptum sacrum presbyteratus ordinem, in aliqua pontificia studiorum universitate, sive Romae sive alibi, instituantur ut academicos gradus assequantur. 98. Si qui vero cum Ordinarii venia, vei ejus mandato, publicas civiles studiorum universitates frequentant, an pro iis regulae a S. Sede statutae serventur, ut ipsi a perversione custodiantur, et a fide vei