Kalocsai Főegyházmegyei Körlevelek, 1908

Index

— 150 — culares, quibus disciplina et modus tractandi negotia in Congregationibus, Tribunalibus, Officiis praestituitur; quas leges et normás adunguem ab omnibus observari mandamus. Atque haec valere quidem debent Apostolica Sede plena; vacua enim standum legibus et regulis in memorata Constitutione „Vacante Sede Apostolica" statutis. Decernentes praesentes Litteras firmas, validas et efficaces semper esse ac fore, suosque plenarios et integros effectus sortiri atque obtinere, et illis ad quos spectat aut pro tempore quomodolibet spectabit, in omnibus et per omnia plenissime suffragari, atque irritum esse et inane si secus super his a quoquam contigerit attentari. Non obstantibus Nostra et Cancellariae Apostolicae regula de jure quaesito non tollendo, aliisque Constitutionibus et ordinationibus Apostolicis, vei quavis firmitate alia roboratis statutis, consuetudinibus, ceterisque contrariis quibuslibet etiam specialissima mentione dignis. Dátum Romae apud Sanctum Petrum, anno Incarnationis Dominicae millesimo nongentesimo octavo, die festő Sanctorum Apostolorum Petri et Paüli, III Kai. Julias, Pontificatus Nostri anno quinto. A. Card. Di Pietro Pro-Datarius. R. Card. Merry Del Vál a Secretis Status. Visa De Curia I. De Aquila e Vicecomitibus. Loco f Plumbi. Reg. in Secret. Brevium. V. Gugnonius. LEX PROPRIA SACRAE ROMANAE ROTAE ET SIGNATURAE APOSTOLI CAE. TITULUS I. SACRA ROMANA ROTA. Cap. 1. j)e constitutione Sacrae "i^omanae "i^otae. Can. 1. § 1. Sacra Romana Rota decem Praelatis constat a Romano Pontifice electis, qui Auditores vocantur. § 2. Hi sacerdotes esse debent, maturae aetatis, laurea doctorali saltem in theologia et jure canonico praediti, honestate vitae, prudentia, et juris peritia praeclari. § 3. Cum aetatem septuaginta quinque annorum attigerint emeriti evadunt, et a munere judicis cessant. Can. 2. § 1. Sacra Rota Collegium constituit, cui praesidet Decanus, qui primus est inter pares. § 2. Auditores post Decanum ordine sedent ratione antiquioris nominationis, et in pari nominatione ratione antiquioris ordinationis ad sacerdotium, et in pari nominatione et ordinatione presbyterali, ratione aetatis. § 3. Vacante decanatu, in officium decani ipso jure succedit qui primam sedem post decanum obtinet. Can. 3. § 1. Singuli Auditores, probante Rotali Collegio et accedente consensu Summi Pontificis, eligant sibi unum studii adjutorem, qui laurea doctorali juris saltem canonici in publica universitate studiorum, vei facultate a Sancta Sede recognitis donatus sit, et religione vitaeque honestate praestet. § 2. Adjutor in suo munere explendo de mandato sui Auditoris agere debet, et manet in officio ad ejusdem nutum. Can. 4. § 1. Erunt insuper in Sacra Rota promotor justitiae pro juris et legis tutela, et defensor sacri vinculi matrimonii, professionis religiosae et sacrae ordinationis. § 2. Hi sacerdotes esse debent, laurea doctorali in theologia et in jure saltem canonico insigniti, maturae aetatis, et prudentia ac juris peritia praestantes. § 3. Eligentur a Summo Pontifice, proponente rotali Auditorum Collegio.