Kalocsai Főegyházmegyei Körlevelek, 1908

Index

ex officio inquirere, qua opportuniore licebit via, si quae in vulgus edantur scripta cujuslibet generis, damnanda; et in memóriám Ordinariorum reducere, quam religiose teneantur in perniciosa scripta animadvertere, eaque Sanctae Sedi denunciare, ad normám Const. Officiorum, XXV. Jan. MDCCCXCVII. 2. Cum vero librorum prohibitio persaepe propositam habeat catholicae fidei defensionem, qui finis est etiam Congregationis Sancti Officii, decernimus ut in posterum omnia quae ad librorum prohibitionem pertinent, eaque sola, utriusque Congregationis Patres Cardinales, Consultores, Administri secum invicem communicare possint, et omnes hac de re eodem secreto adstringantur. 8-0. Congregatio 5acrorum Rituum. 1. Haec Sacra Congregatio jus habét videndi et statuendi ea omnia, quae sacros ritus et caeremonias Ecclesiae Latinae proxime spectant, non autem quae latius ad sacros ritus referuntur, cujusmodi sunt praecedentiae jura, aliaque id genus, de quibus, sive servato judiciario ordine sive ratione disciplinae, hoc est, uti ajunt, in linea disciplinari disceptetur. 2. Ejus proinde est praesertim advigilare ut sacri ritus ac caeremoniae diligenter serventur in Sacro celebrando, in Sacramentis administrandis, in divinis officiis persolvendis, in iis denique omnibus quae Ecclesiae Latinae cultum respiciunt; dispensationes opportunas concedere; insignia et honoris privilegia tam personalia et ad tempus, quam localia et perpetua, quae ad sacros ritus vei caeremonias pertineant, elargiri, et cavere ne in haec abusus irrepant. 3. Denique ea omnia exequi debet, quae ad beatificationem et canonizationem Sanctorum vei ad Sacras Reliquias quoquo modo referuntur. 4. Huic Congregationi adjunguntur Coetus liturgicus, Coetus historico-liturgicus et Coetus pro Sacro Concentu. 9-o. Congregatio Caeremonialis. Haec Sacra Congregatio jura hactenus ipsi tributa integra servat; ideoque ad eam pertinet moderatio caeremoniarum in Sacello Aulaque Pontificali servandarum, et sacrarum functionum, quas Patres Cardinales extra pontificale sacellum peragunt; itemque quaestiones cognoscit de praecedentia tűin Patrum Cardinalium, tum Legatorum, quos variae nationes ad Sanctam Sedem mittunt. 10-o. Congregatio pro Negotiis Ecclesiasticis extraordinariis. In ea tantum negotia Sacra haec Congregatio incumbit, quae ejus examini subjiciuntur a Summo Pontifice per Cardinalem Secretarium Status, praesertim ex illis quae cum legibus civilibus conjunctum aliquid habent et ad pacta conventa cum variis civitatibus referuntur. 11-o, Congregatio Studiorum. Est huic Sacrae Congregationi commissa moderatio studiorum in quibus versari debeant majora athenaea, seu quas vocant Universitates, seu Facultates, quae ab Ecclesiae auctoritate dependent, comprehensis iis quae a religiosae alicujus familiae sodalibus administrantur. Novas institutiones perpendit approbatque; facultatem concedit academicos gradus conferendi, et, ubi agatur de viro singulari doctrina commendato, potest eos ipsa conferre. II. TRIBUNALIA. 1-o. Sacra Poenitentiaria. Hujus sacri judicii seu tribunalis jurisdictio coarctatur ad ea dumtaxat quae fórum internum, etiam non sacramentale, respiciunt. Itaque, externi fori dispensatio-