Kalocsai Főegyházmegyei Körlevelek, 1907

Index

— 4 — praesertim fidelium loci diuturna et assidua supplbatione instantiaque humili, erectionem parochiae in praedio Zenta-Tornyos, inf'ra ambitum Comitatus Bács-Bodroghensis sitae, in Domino aggredimur, imo parochiam inibi harum tenore et vigore erigimus. Notum sane est, fldeles Tornyosenses inde ab anno 1896. ad sedem Archiepiscopalem pro solamine sacri missae sacrificii obtinendo recurrisse. Enixis eorum precibus delatum est. Sacrum missae sacrificium inde a die 2. Februarii a. 1897. in domo scholari Tornyosensi semel singulis mensibus celebrabatur. Zelus fidelium pedetentim ecclesiae aedificationem exoptabat. Lateres proin confici ac materiam ad aedificationem necessariam raro zelo ad locum templi — auctoritate Archiepiscopali auditis fideli — bus designatum •— afferri curarunt. Quibus, necnon Conradi Rechner, administratoris in spiritualibus parochiae Zentaensis ad S. Stephani, optime de hac re meriti precibus, permotus praedecessor meus Georgius Császka Archiepiscopus Colocensis ac Bacsiensis occasione jubilaei sui sacerdotalis 26,500 Coronas sumptibus aedificationis templi tegendis dono dedit. Ecclesia a. 1901. per Joannem Majorosy episcopum Tinniniensem, Vicarium Archiepiscopalem die festő Nativitatis B. Mariae Virginis benedicta est. Aedes parochialis vero maxima e parte sumptibus arcae patronalis Catholicorum Zentaensium est aedificata. Postquam vero beneficium parochiale ex annuo salario 2000 Coronarum per Communitatem Catholicam Zentaensem, tamquam Patronum praestito ac ex agro 29 catenarum partim ex beneficio Zentaensi ad S. Stephani separato ac avulso, partim pia munificentia viduae Gregorii Rudics donato conflatum, item salarium cantoris ac sacristani, respective campanatoris per communitatem catholicam stabilitum ac de coemeterio provisum est: nihil omnino obstitit, quominus ecclesia Tornyosensis matris nomine ac dignitate insigniretur. Quare congratulantes in Domino Nobis et fidelibus nostris carissimis de tam felici obtento per misericordiam Dei successu, habito item cum Venerabilibus Fratribus, Ecclesiae videlicet Nostrae Cathedralis Colocensis Capitulo consilio et accedente ejusdem Ven. Capituli, prout juris est, consensu, auditisque omnibus, ad quos res haec eximia quoquomodo pertinet, habitoque tractatu secundo cum Communitate Catholica Zentaensi tamquam Patron.o, invocato D. N. Jesu Christi sanctissimo nomine, ejusque ss. Matris, semper Virginis Mariae, ecclesiam in Tornyos sub invocatione Magnae Hungarorum Dominae, auctoritate Nostra ordinaria tenore praesentium in Parochialem erigimus, erectam volumus ac declaramus in eaque Sanctissimum Eucharistiae Sacramentum ad altare május, fontem baptismalem, olea sacra et alia, quae ad ecclesiam parochialem pertinent retineri et custodiri mandamus. Ecclesiae praefatae sic in parochialem erectae jura omnia et privilegia, quae parochialibus de jure ordinario competunt, concedimus et illis gaudere debere decernimus cum assignationibus et proventibus a fidelibus hucusque parocho suo secundum visitationem Canonicam solutis, eleemosynis et oblationibus universis a sacris canonibus concessis et permissis. Unasimul ecclesiam hanc jam parochialem juri patronatus Communitatis Catholicae Zentaensis subjectam esse volumus et declaramus. In quorum fidem has praesentes litteras, tamquam erectionis decretum a Nobis subscriptum et sigillo Nostro munitum expediri et in Tabulario Nostro servari mandamus. Dátum Coloczae, die 4. Januarii 1907. üulius m. p. archiepiscopus.