Kalocsai Főegyházmegyei Körlevelek, 1905

Index

— 133 -********* * * * * * * -* * * ************* XXII. Sua sacratissima Caesarea et Regia Apostolica Majestas luctui sedis metropolitanae Colocensis, per mortem Georgii Császka archiepiscopi viduatae, finem imponere dignata est, quum die 17-á hujus mensis Illustrissimum ac Reverendissimum Dominum de Veszprém, Episcopum Albaregalensem, SS. Theologiae Doctorem, archiepiscopum ecclesiarum Colocensis et Bacsiensis canonice perpetuo unitarum clementissime nominavit. Eadem ego ipse die, Ejusdem Sacratissimae Majestatis clementissima dispositione episcopus Szatmariensis creatus itaque archidioecesi Colocensi et Bacsiensi jam jam valedicturus, nulla sane magis congrua, jucundiora nulla possim ad P. T. Clerum almae hujus archidioeceseos facere verba, quam ad Eundem tam laetum novi Archipraesulis nuntium perferre, sincereque gratulari, quod diuturnis adeo fervidisque precibus talem ac tantum a divina bonitate meruit Archipraesulem impetrare. Scimus quantae sint Excellentissimi Domini virtutes, modestiá fulgentissimae, quibus sacerdos quondam hujus archidioeceseos, sive quum duobus piae memoriae Praedecessoribus Suis in tenendo archidioceseos gubernaculo fidissima praestaret servitia sapientissimaque daret consilia, sive quum imbuendo bonis moribus scientiisque clero juniori navaret operám, immortalia aeque sibi coram Deo merita comparavit, ac insolitam apud clerum laicosque, apud optimum quemque Sui statusque clericalis existimationem civit; neque ea, quae Eundem in sede episcopali Albaregalensi decorabant, eximia viri apostoliéi ornamenta quemlibet adeo latent: ut non sit supervacaneum in causis justi omnium gaudii exponendis multum immorari, atque magna praesagire emolumenta, quorum spe nos inscrutabilis illa, cui Excellentissimus Archipraesul adeo deditus est, divina providentia donavit, quum Eundem huic archidioecesi reddidit atque praefecit. Vere dignum est maximas divinae Majestati pro tanto dono referre gratias ejusque incolumnitatem a divino animarum Pastore ferventissimis precibus exorare. ************** **** **** ****** * * * * Nr. 5176. Nominatio novi Archiepiscopi publicatur. LITT. CIRC. 1905. 24