Kalocsai Főegyházmegyei Körlevelek, 1904

Index

— 82 — Horum munerum auspicem, Venerabiles Fratres, vobis populisque vestris apostolicam benedictionem amantissime in Domino impertimus. Dátum Romae apud S. Petrum, die II. Februarii MCMIV, Pontificatus Nostri anno primo. PIUS PP. X. In sequelam harum litterarum encvclicarum sequentia" habeo distinctim annotanda et ordinanda. 1.) Jubilaeum debet cum explicatione dogmatis de immaculata Conceptione in sermone, Dominica XV. post Pentecosten, idest die 4-a Septembris habendo, populo fideli per animarum Curatores ex ambone praevie annunciari, ea cum additione, quod jubilaeum in Archidioecesi mea die 8-a mensis Septembris sit initium sumpturum et usque 8-am Decembris duraturum. 2.) Instruendi erunt fideles. quod indulgentia semel tantum obtineri, et per modum suffragii animabus quoque in purgatorio detentis possit applicari; quodque eandem lucrari cupientibus sequentia praescribantur: a) ut per tres menses supra assignatos ecclesiam ter visitent; b) ut ibidem per aliquod temporis spatium pro Ecclesiae catholicae atque Sedis Apostolicae libertate et exaltatione, pro extirpatione haeresum omniumque errantium conversione, pro christianorum Principum concordia ac totius üdelis populi pace et unitate juxtaque mentem Sanctissimi Domini pias ad Deum preces effundant. Commendatum esse videtur, ut animarum Curatores has visitationes ecclesiae cum pluralitate suorum hdelium, ergo quasi in processione, instituant; quia tunc eae cum missae celebratione cumque precum praescriptarum recitatione in communi aptissime conjungi poterunt. Sicubi tamen hujusmodi processiones instituantur, nihilominus eisdem se jungere nequaquam tenentur ii qui visitationes ecclesiae privátim facere malunt. c) ut semel intra tres menses jejunium cum abstinentia servent, die utique, qui de praecepto jejunii et abstinentiae non est; d) ut peccata sua in vera poenitentia conüteantur et semel S. Synaxi reficiant. Confessarii, per litteras encyclicas summi Pontificis variis facultatibus instructi, has iterum atque iterum attente perlegant, ut iisdem ad lucrum quam maximum spirituálé confitentium uti valeant. Ex his facultatibus ad eas praesertim animarum curatores attentos reddere cupio, quae captivos, aegrotos et senio confectos adtinent. Pro his enim omnibus e. gr. ecclesiae visitatio in congrua opera pia valebit commutari. 3.) Separatim loquor de juventute scholastica, quam desideratissime opto, ut indulgentiae jubiláris particeps reddatur. Quem in finem directores scholarum, respective catechetae congrue disponent, ut scholarum diversarum alumni et alumnae post debitam praeparationem ternis vicibus apto tempore catervatim sive cum processione aliorum fidelium — si nempe tales instituantur — sive separatim in ecclesiam ducantur, ibidemque preces praescriptas in communi recitent atque conditionibus quoad confessionem et S. Synaxim satisfaciant. Insuper, quum Sanctissimus Dominus Noster parvulis etiam, S. communione nondum refectis, e thesauro tali haurire concedat: scient animarum curatores istis et pro visitatione ecclesiae et pro S. Communione alia opera pia, juvenili eorum conditioni congrua injungere.