Kalocsai Főegyházmegyei Körlevelek, 1903

Index

130 CONGREGATIONIS MISSIONIS. Nr. 7215. Festum Patrocyiii S. Vincentii a Paulo. Quo magis cultus et pietas in sanctum Vincentium a Paulo Congregationis Missionis et Puellarum a Caritate Parentem et Fundatorem, necnon omnium Societatum Caritatis peculiarem Patronum, foveatur et promoveatur, Rmmus Dominus Antonius Fiat, praefatae Congregationis Superior Generális, a Sanctissimo Domino nostro Pio Papa X. supplex efflagitavit, ut in ecclesiis et capellis Congregationis Missionis et Puellarum Caritatis festum peragi valeat de Patrocinio S. Vincentii a Paulo, die 20 decembris quotannis recolendum, cum Officio et Missa propria, iuxta schema Apostolicae Sedis sanctioni demisse subiectum; prouti aliis Ordinibus seu Congregationibus simile festum de eorum sanctis Fundatoribus concessum est. Huiusmodi vero Oíflcium et missam, quum de more Emmus et Rmmus Dominus Cardinalis Vincentius Vanutelli, Episcopus Praenestinus et causae Ponens seu Relator, in ordinario Sacrorum Rituum Congregationis coetu, subsignata die ad Vaticanum habito proposuerit; Emmi et Rmmi Patres Sacris tuendis Ritibus praepositi, omnibus mature perpensis, auditoque R. P. D. Alexandro Verde, S. Fidei Promotore, rescribendum censuerunt: Pro gratia et ad E.mum Ponentem cum Promotore Fidei. Die 1. septembris 1903. Facta postmodum de his sanctissimo eidem Domino nostro per subscriptum Sacrae Rituum Congregationis Secretarium relatione, Sanctitas Sua sententiam Sacrae ipsius Congregationis ratam habuit; ac suprascriptum Officium cum Missa revisum atque emendatum approbare atque cum ipso festum Patrocinii sancti Vincentii a Paulo die 20. decembris sub ritu duplici maiori, ecclesiis et oratoriis Congregationis Missionis et Puellarum Caritatis recolendum, concedere dignata est: servatis Rubricis. Contrariis non obstantibus quibuscumque. Die 7. iisdem mense et anno. — M. Card. MOCENNI f D. PANICI, Archiep. Laodicen., Secret. (L. S.) Coloczae, 9. Dec. 1903. CATALAUNEN. Nr. 7216. Preces post Missam a b. m. Leone XUI. praescriptae adhuc sunt recitandae. R mmus Dominus Michael Andreas Latty Episcopus Catalaunensis a Sacra Rituum Congregatione sequentis dubii solutionem humiliter expetivit; nimirum: An preces post Missam a Summo Pontifice Leone XIII. praescriptae, adhuc, ipso defuncto, dicendae sint? Et sacra eadem Congregatio, referente subscripto Secretario, audito voto Commissionis Liturgicae, omnibusque mature perpensis rescribendum censuit: Affirmative. Atque ita rescripsit, die 11. septembris 1903. — M. Card. MOCENNI f D. PANICI, Archiep. Laodicen., Secret. (L. S.) Coloczae, 9. Dec. 1903.