Kalocsai Főegyházmegyei Körlevelek, 1901

Index

141 — XXXIII. Eatenus deputatae Commissionis voto conformiter pro elucubrationibus melioribus theologicorum thematum, anno 1900. propositorum titulo subsidii, respective praemii sequentibus resolvo e fundatione Archiepiscopo-Nádasdyana ducentas, respective centum coronas : et quidem a) parochis : Josepho Gara}^ Vice-Archi-Diacono, Doroszlóensi, Petro Kopping Novoszellóensi, et Andreae Beringer administratori Cservenkaensi ; b) capellanis : Joanni Csóti Zentaensi, Elemero Eördögh Hegyesensi, Georgio Schoblocher Filippovaensi, Francisco Tillinger Apatinensi, Stephano Lukácsy Catechetae Szabadkaensi et Ignatio Resch Catechetae Zomborensi. Subsidia et praemia haec in oíficio piarum fundationum erga apocham exhibendam exsolventur. Coloczae, die 29-a Decembris, 1901. Nr. 6622. Pro elucubratione thematum theologicorum anni 1900. subsidia ex praemia assignantur. Gloriosissime regnans Sanctissimus Dominus Noster Leo PP. XIII. ad humillimas meas preces facultates in loro interno et externo exercendas ad nóvum quinquennium proragare, et insimul mihi potestatem t'acere dignatus est, ut super impedimento mixtae religionis — sicut adhuc — dispensare, onera Missarum transferre, concessasque tempore Missionum Indulgentias publicare valeam. Benigna Summi Pontificis rescripta, has facultates respicientia, heic per extensum publicanda censui. Sonant autem sequenti modo : Nr. 6739. Facultates diversae publicantur. Seraphinus divina miseratione Episcopus Tusculanus S. R. E. Cardinalis Vannutelli SS. D. D. Nostri Papae et S. Sedis Apostolicae Maior Poenitentiarius. Vobis Venerabili in Christo Patri Georgio Császka Archiepiscopo Colocen. et Bácsién, infrascriptas communicamus facultates ad Quinquennium duraturas, quibus non obstante Constitutione Apostolicae Sedis, pro foro conscientiae per vos sive per vestrum vicarium in spiritualibus generalem, dummodo in sacro presbyteratus ordine sit constitutus, etiam extra sacramentalem confessionem pro grege vobis commisso et inlra flnes vestrae dioecesis tantum atque de speciali in unoquoque casu exprimenda Sedis Apostolicae auctoritate vobis delegata uti valeatis, quasque canonico poenitentiario, necnon vicariis foraneis pro foro pariter conscientiae ac in actu sacramentalis confessionis dumtaxat, etiam habitualiter, si vobis placuerit, aliis vero confessariis, cum ad vos sive ad praedictum vicarium generalem in casibu; particularibus poenitentium recursum habuerint, pro exposito casu impertiri possitis, nisi ob peculiares causas aliquibus confessariis a vobis specialiter subdelegandis, per tempus arbitrio vestro statuendum, illas communicare iudicabitis. I. Absolvendi ab excommunicatione Romano Pontifici simpliciter reservata ob manus violentas iniectas sive in Clericos sive in Regulares, dummodo non fuerit secuta mors vei mutilatio, seu lethale vulnus aut ossium fractio, et dummodo casus ad fórum Ordinarii deducti non fuerint; iniunctis de iure iniugendis et praesertim ut parti laesae competenter satisfiat. LITT. CIRC. 1901. Facultates quinquenn.des proforo interno.