Kalocsai Főegyházmegyei Körlevelek, 1892

Index

— 111 — datorum omnium commendatione dignum, studium et industriam vestram in hoc inceptum collata merita honestamus laude, ejusdemque participes laudis habemus omnes, qui ad rem perficiendam sese vobis socios addunt praebentve adiutores. Hisce universis et singulis non secus ac Tibi, Dilecte Fili, lectorumque virorum consilio, cui praesides, Apostolicam Benedictionem, paternae caritatis testem, peramanter impertimus. Dátum Romae apud S. Petrum die XVIII. Ianuarii anno MDCCCXCII, Pontificatus Nostri decimo quarto. LEO PP. XIII. INDULGENTIAE CONCESSAE CHRISTIFIDELIBUS OCCASIONE IUBILAEI EPISCOPALIS SANCTISSIMI PATRIS LEONIS XIII. Beatissime Páter! Commissio centralis, Romae constituta, ut debito honore celebrentur solemnia Iubilaei episcopalis Sanctitatis Vestrae, humiliter provoluta ad osculum s. Pedis, haec quae sequuntur exponit: Una simul cum operibus constitutis ad faustum celebrandum eventum, promotum fűit etiam pium opus orationis, de Emi Cardinalis Vicarii consensu. In programmate, ad id evulgando, proponuntur Fidelibus sequentia pietatis exercitia. 1. Celebratio s. Missae qualibet Dominica, a die 19 Februarii 1892 ad diem 19 Februarii 1893 cum communione íidelium, ssmi Rosarii recitatione, brevi sermone, addita aliqua precatione pro Summo Pontifice, et benedictione SSmi Sacramenti in Ecclesiis designandis a respectivis Ordinariis. 2. Communio, aut sanctae Missae, quibus adsistant fideles utriusque sexus. 3. Recitatio sanctissimi Rosarii, aut privátim, aut in communi, praecipue apud domesticos lares. 4. Visitationes ad SSmum Sacramentum, tempore praesertim, quo publicae exponitur venerationi. Quamobrem eadem Commissio humiliter exorat Sanctitatem Vestram, ut adnectere dignetur praedictis pietatis exercitiis sequentes Indulgentias : 1. Indulgentias partiales : a) septem annorurn totidemque quadragenarum ab illis lucrandas, qui devote et corde contrito adfuerint functioni hebdomadali, de qua agitur sub n. 1. 26*