Kalocsai Főegyházmegyei Körlevelek, 1892

Index

— 109 — XÍX VENERABILES FRATRES ET DILECTISSIMI IN CHRISTO FILII! Quo magis jucundissima illa simul et rarissima solemnitas appropinquat, qua Sanctissimus Dominus noster Leo Papa XIII. quinquagesimam consecrationis Suae episcopalis diem anniversariam XIX. Februarii anni futuri 1893. Deo propitio celebraturus est: eo alacriores laetioresque praeparationes ad singulare hocce jubilaeum quo majori cum solomnitate obeundum ubique terrarum fieri conspicimus. Nec mirum! Si enim cujusvis patrisfamilias diem natalem aut alium quemvis prosperum eventum cuncta familiae membra festivo ritu celebrant: quomodo non ad Illius faustissima solemnia totus terrarum orbis plaudat, quem omnes mundi nationes non nomine et dignitate tantum, sed verissima re Patrem suum optimum et amantissimum jure merito appellant. Quis enim nesciat, nullum esse per totum, qua late patet mundi orbem, populum, sive civilibus moribus iam excultum, sive politioris culturae adhuc expertem ; nullum esse societatis humanae ordinem, nullum aetatis gradum, qui paternum Leonis XIII. affectum abunde expertus non fuisset; nullum esse malum sive spirituálé, sive temporale generi humano incumbens aut imminens, quod providam tanti Pontificis curam fugisset, cuique sive avertendo, sive medendo non saluberrimum remedium adhibuisset. Tantae dilectioni et benignitati paternae haud minorem amoris filialis gratique animi contestationem opponere decet. Accedit et alia sublimior, et, ut dicere licet, divina ratio, quae omnes cordatos catholicae Ecclesiae filios, imprimis vero sacerdotes ad laetum hocce Ecclesiae eapitis jubilaeum quo solemnius obeundum vehementer impellit. Nemo est, qui ignoret, Europae populos non pacis tantum, inter regna aegre admodum conservatae, perturbandae, sed et ipsius ordinis societatis humanae radicitus evertendi, et, quod tristissimum est, fidei in Christi doctrinam amittendae gravissimo periculo obnoxios esse. Illud etiam omnibus perspectum est, ad tanta mala avertenda solam Ecclesiam catholicam tum divina missione, tum efficiacissimis mediis instructam esse. Utinam hoc populi eorumque duces intelligerent, imminenteque sociali diluvio ad hanc unicam Nr. 2621. Jubilaeum Episeopale Sanctissimi Domini Nostri Leonis Papae XIII. LITT. CIRC. 1892. 26