Kalocsai Főegyházmegyei Körlevelek, 1887

Index

— 28 — curata fuerint, sine quibus sacerdotes destinationi suae debite respondere non putarentur. Lubenter igitur assensu meo probabo pium Consociationis talis in Clero Archidioeceseos etiam meae constituendae conamen, ubi quod mihi jam privátim insinuatum fuerat, publico gressu ad effectum deduci volet. Laudabo studium tale, et Domini benedictionem pro cunctis illis, qui consociationi tali alligabuntur, deprecabor, quin tamen judicare vei reprobare velim illos, qui ad eundem finem certe etiam pie tendentes, etiamsi Consociationi tali haud adscribuntur, amplissimis, quas sacerdotalis vitae ratio, lex et institutum ipsis svadét, commendat et imperat, sanctioris vitae adminiculis utentur ad ampliorem perfectionem consequendam. Sed ut ad principalem harum quadragesimalium encyclycarum materiam redeat oratio mea: juvet iterum iterumque meminisse, tum his tum illis bonis sacerdotibus, amplam ad nobilissimum suum scopum propius accedendi occasionem, larga et salutifera média porrecturam s. quadragesimalem observantiam, quam laetanti corde subire pergimus. Cujus autem rectius adornandae scopo illa, quae praeteritis annis jam — me etiam svadente et orante — religiose observastis et observari fecistis, peculiariter cordi nobis erunt; — quaeve (:repetendo ipsa similium Circularium mearum praeteritis annis editarum verba,:) denuo pietati Vestrae sequentibus commendo: „Laudabilis est Cleri Dioecesium quarumdam etiam in Hungaria con„suetudo, ut sub quotidiano in Quadragesima Missae Sacrificio pericopa Evan„gelii diei linguá vernacula legatur populoque — prout opportunum fuerit — „explicetur: id praescribere quidem nolo, zelo tamen bonorum meorum Com„ministrorum majorem in modum commendo." „Rem porro aedificationi fidelium suorum summe proficuam facient illi, „qui feriis sextis ad vesperam, praesertim ibi, ubi peculiares sacri sermones „Quadragesimales, certis utique pietatis actibus juncti, non habentur, devotio„nem de passione Domini cum Litaniis concernentibus asservabunt." „Praescripto autem archi-dioecesano nunc denuo commendato respon„debunt S. Curiones, dum vice uná, tempore et locő opportunis a Vice-Archi„Diacono defigendis, per Districtus congregabuntur, ut communibus pietatis et „poenitentiae operibus, sacrá adhortatione et pia lectione refecti sacrá exomo„logesi expientur et ad epulas Agni coelestis simul et publice pro populi etiam „fidelis aedificatione accedant." „Quoad s. jejunii et abstinentiae legem vero, volo, ut serventur ea, quae „aeque jam antehac praescripta sequentibus iterum inculcantur:" „In una legis quadragesimalis parte, intelligo jejunium seu unicam refe„ctionem, nulla conceditur dispensatio sive relaxatio; proinde ad observanduin