Kalocsai Főegyházmegyei Körlevelek, 1869

Index

sed in spiritus dominatu super matéria, in victoria animae immortalis super illiciis mortalis corporis, per quadragesimalem observantiam facilitata, inutilemque per nos ipsos haberi abstinentiam a carne, si non sit ei juncta abstinentia a vitiis, ad quam illa tendat, quam promoveat, in qua valorem suum nanciscatur. Jacula inimicorum retundet populus noster debite informatus illis s. Augustini verbis, quadragesimalem abstinentiam simul cum abstinentia a vitiis commendantibus : „Jejunium „magnum et generale est, abstinere ab iniquitatibus saeculi, quod est per„fectum jejunium: ut abnegantes impietatem et saeculares cupiditates, ,temperanter, et juste, et pie vivamus in hoc saeculo," (Tract. XVII. in Joann. Evang.); effatö item Isaiae Prophetae, quod ceu vitae'regulam respicit : „hoc est jejunium : „dissolve vincula impietatis, solve laqueos oppressionis, frange esurienti „panem tuum, et egenos vagosque induc in domum tuam, cum videris nudum, operi eum, et carnem tuam ne despexeris." 58, 6. 7. Hanc igitur quadragesimae juste et pie obeundae rationem sectari et nos ipsi solemne habeamus et fideles nostros verbo ac exeniplo doceamus, ut et ipsi „honeste ambulent non in co„messationibu s et ebr ietatibus, non in cubilibus et impudicitiis, non in con„tentione et aemulatione, sed induentes Jesum Christum et carnis curafn non „facientes in desideriis suis," Rom. 13.; qui „enim sunt Christi, carnem suam „crucifixerunt cum vitiis et concupiscentiis." Grál. V. Quia vero ea est sanctae matris Ecclesiae circa quadragesimalem disciplinam voluntas, ut sic obstringat parere valentes, ne insupportabili jugo oneret filios, justain dispensationis causam habentes : ea, quae circa generalem legis quadragesimalis observantiam, circa dispensationes dandas, petendasque, earum item conditiones in spiritu sanctae Ecclesiae anno praeterito statueram, nunc quoque absque ulla mutatione repeto, observarique volo; in memóriám una revocans omnia ea, quae circa servandas peculiares sacrato hoc tempore devotiones, exercitia item Cleri eadem occasione sive suaseram, sive ordinaveram. Dominus det nobis omnibus sanctum salubris mortificationis spiritum, fructus suos in amplissima quarumvis virtutum segete demonstrantem! Dátum Coloczae, Dominica Septuagesimae, anno salutis millesimo octingentesimo sexagesimo nono. LUDOVICUS m. p. Archi-Episcopus.