Kalocsai Főegyházmegyei Körlevelek, 1867
Index
— 48 — Electio Vicarii Generális Capitularis Clero Dioecesano currentatur. Per obitum Excellentissimi, Illustrissimi ac Reverendissimi Domini Josephi Lonovics de Krivina dum viveret Metrop. Ecclesiarum Colocensis et Bacsiensis canonice unitarum Arcbi-Episcopi, Patris optimi ac sapientissimi Archi-Praesulis Jurisdictione Archi-Dioecesis ordinaria in Nos transeunte, ad exigentiam sacrorum canonum de rectore, qui vacante sede viduatae Metropolitanae liujus Ecclesiae sollicitam haberet curam, prospicientes, in Consistorio Nostro Capitulari sub hodierno celebrato concordibus votis Illustrissimum ac Reverendissimum Dominum Joannem Bapt. Nehiba, consecratum Episcopum Tinniniensem, Metropolitani Nostri Capituli Praepositum Majorem et Canonicum, Suae Sanctitatis Praelatum Domesticum, virum fide, pietate, doctrina insignem requisitisque de jure qualitatibus clarum, qui paulo ante quoque Vicarii Capitularis munere debite functus est, denuo in Yicarium Generalem Capitularem elegimus, Cui itaque Yenerabilis Clerus Dioecesanus debitam reverentiam, obedientiam et fidele obsequium prompté exhibendum habebit. E Consistorio Metropolitani Capituli Coloczae die 19-a Mártii 1867 celebrato. Metropolitanum Capitulum. Nr. 569. Parentatio pro denato Archi-Episcopo J o s. Lonovics ordinatur et precesproimpetrando novo Pastore indicuntur. Yix unus elapsus est annus et jam iterato in Metropolitani hujus Colocensis Capituli Yicarium licet immerens electus tristissimo fungi cogor munere, maximo cum animi moerore annuncians, Excellentissimum D. Josephum Lonovics de Krivina, benigne nominatum Archi-Episcopum Colocensem, celebratissimum ac de utraque republica meritissimum Hungáriáé Praesulem, cujus vere Apostolicae, quas Doctor Gentium Paulus in Episcopo requirit, virtutes in vita abunde manifestatae adeo animis omnium nostrum inhaerent, ut nullis unquam temporibus obliterari queant, antequam Archi-Episcopalem Sedem suam capessere potuisset, omnibus morientium Sacramentis identidem pientissime susceptis, inter vehementissimos dolores christiano animo patientissime toleratos piam Creatori suo reddidisse animam, cujus venerandas exuvias die 18-a curr. in Metropolitana Ecclesia Colocensi convenienti lugubri pompa in frequentissimo Cleri et Populi concursu in spem beatae olim resurrectionis lugentes sepelivimus, atque solemnes pro refrigerio animae ejus Exequias eadem die celebravimus. Quamvis autem pia fide credamus, optimum hunc Archi-Praesulem, exuto mortali corpore, in luce jam Sanctorum constitui aeternaque beatae retributionis mercede in coelestibus regnis potiri, nec amplius nostrarum precum suffragiis egere; convenientissimum ac aequissimum nihilominus est, ut filialem erga optimum Patrem cultum ac venerationem, qua licet ratione, contestemur, pientissimis ejus Manibus solita justorum funebrium persolutione parentando. Quapropter hisce dispono, ut praesentibus perceptis in omnibus Parochialibus ac Religiosorum Ecclesiis praemisso triduano Campanarum pulsu SacrumSolenne de
