Kalocsai Főegyházmegyei Körlevelek, 1862

Index

Ritibus, quae, maturo consilio censuit „Constare de Martyrio et Miraculis, ideoque ad aclualem illorum Martyrum Canonisationem quandocumque deveniri posse.

l

í Quum vero Praeses Ordinis Minorum S. Francisci ab Urbano VIII. sa. rae. enixe postulasset, ut Officium et Missa de illis Martyribus dotiec ad solemnem eorum Canonisationem deveniretur recitari, ac celebrari possent, Summus ille Pontifex de Cardinalium Consilio facultatem impertivit Litteris Apostolicis in forma Brevis expeditis decimo octavo Kalendas Octobris Anni MDCXXVII ut de eisdem Martyribus tam ab omnibus dicti Ordinis S. Francisci ubique existentibus, quam etiam aliis ecclesiasticis, et saecularibus personis Maniliensis Dioecesis dumtaxat, ubi praecipue dictorum Martyrum pro Christi fide labores valde profecerunt, Officium et Missa de Communi plurimorum Martyrum die eorum Natali, videlicet die quinta Februárit, recitari et celebrari respective libere, et licité posset et valeret. Attamen praeclarissima liaec Causa substitit, neque ad Consistorium progressa unquam est in posterum decretoriam Pontificis sententiam subitura. Quapropter ejusmodi judicium mira successus prosperitate hactenus adductum, postrema eaque potissinia destituebatur sui parte, quae necessaria prorsus erat ad hanc Canonisationis Causam legitimé expediendam. Quidquid nempe Rotae Auditores, et sacrum sanctae Romanae Ecclesiae Cardinalium Consilium dijudicaverunt, non aliam vim obtinebat nisi consulentis sententiae. Quare oportebat ut Pontificis expressa declaratio accederet, quae latam ab iis sententiam decretorio judicio confirmaret. Hinc per tria fere saecula altum hac super re silentium servatum est. Yerum Deus Omnipotens, cujus judicia incomprehensibilia sunt, et investigabiles viae , disposuit, ut luctuosis hisce temporibus, quibus sceleris omnis maturitas vei in cultissimis Italiae nostrae Regionibus adversus Christi fidem erupisse visa est, expediretur Causa Canonisationis propemodum absoluta honim Martyrum Japonensium. Nóvum sane et spectatissimum exemplar fidelibus proponitur, in quod sedulo intuentes imitari eos Christi athletas studeant pro viribus, quatenus nec fraudibus irretiti, nec minis deterriti a Fidei suae integritate haud unquam vei paululum desciscant. Quare Sanctissimus Dominus Noster PIUS Papa IX. Divinae Providentiae consiliis ex animo obtempcrans voluit, ut juxta vetustiorem disciplinam judicium hoc absolveretur. Ideoque postulationes excipiens Praesidis totius Ordinis Minorum S. Francisci de Observantia, audita Seutentia pro Veritate R. P. IX Sanctae Fidei Promotoris, Consistorii loco, Consilium habuit Reverendissimorum Cardinalium Sacrae Rituum Congregationis in Palatio Apostolico Vaticano Térti o nonas Septembris superioris anni, in quo per Reverendissimum Cardinalem Constantinum Patrici Episcopum Portuensem, et Sanctae Rufinae, ejusdemque Sacrae Congregationis Praefectum, nec non Causae Relatorem proposito Dubio „An tuto procedi possit ad solemnem eorumdem Beatorum Viginti trium Martyrum ex Ordine Minorum S. Francisci strictioris observantiae Canonisationem

1

1 Omnes Patres Cardinales affirmativum protulere Responsum. Quapropter Sanctissimus Dominus Noster Sancti Spiritus ope enixe implorata, ad ecclesiam S. Mariae in Aracoeli se contulit, ubi ad se accitis in ejusdem ecclesiae Sacrario Reverendissimo Cardinali Constantino Patrizi Episcopo Portuensi et Sanctae Rufinae Sacrorum Rituum Congregationis Praefecto, et Causae Relatore, et R. P. D. Andrea Maria Frattini Sanctae fidei Promotore, nec non Dominico Bartolini ejusdem Sacrorum Rituum Congregationis Secretario acta haec exarante, Quinto decimo Kalendas Octobris anni MDCCCLXI quo die solemnis recolebatur Commemoratio Sacrorum Stigmatum S. Fran-