Kalocsai Főegyházmegyei Körlevelek, 1862

Index

schedis bancalibus efficientes a me sub hodierno ad locum destinationis transpositas esse pro congrua notitia hisce significo. Coloczae, die 7-a Januarii 1862. Cum illos, qui pro Christo legatione funguntur, in tractandis sacratiorum litterarum studiis, disciplinisque theologicis in dies magis excolendis assiduos esse oporteat, ut potentes sint exhortari in doctrina sana et eos qui contradicunt arguere: idcirco statuto in hac Dioecesi sancito conformiter sex e scientiis theologicis theses hisce pjoponuntur, per DD. Curatos defluxu anni praesentis sedulo elucubrandae ita quidem, ut harum tres priores in districtuali Congregatione vernali, tres vero posteriores theses in Congregatione autuinnali exhibeantur, per districtualem Vice-Archi-Diaconum isthuc postea substernendae. I. E Studio Biblico Veteris Foederis: Sistatur Regis Dávid brevis história, in cuius decursu exhibeatur paucis: a) quam magna fuerit eius in Deum pietas; b) quanta in adversis in Deum fiducia; c) quanta erga suos hostes clementia; d) quae denique calamitates, quibus per Dominum castigatus est. II. E Theologia Dogmatica: Pro üde catholica de reali Christi in Eucharistiae Sacramento praesentia, adferantur quaepiam argumenta, quae e Traditione primorum saeculorum veritatem huius dogmatis luculenter probent. III. E Theologia Morali: Quaenam argumenta suadent, ut Sacerdos — consulente S. Bernardo — piac meditationi quotidie quidpiam temporis impendat ? IV. E Studio Biblico Novi Foederis: Proponatur ex Actis Apostolorum B. Pauli Apostoli vita, enarrando ab eius conversione: a) quaenam fuerint eius praecipua itinera ? b) quasnam Ecclesias fundaverit? c) quaenam pericula subierit ? et d) quasnam — durantibus itineribus — epistolas scripserit ? Y. E Theologia Pastorali: Paretur brevis allocutio, quae, dum Sacramentum Baptismi administratur, praesentibus ritus huius Sacramenti paucis exhibeat

? eorumque significationem cum debitis applicationibus commendet. VI. E Jure Canonico: Romani Pontiíicis in terras, quas optimo jure tenuit, temporale dominium, quibus argumentis nixum est : spectata historica huius possessionis evolutione ; spectatis principiis juris; spectata libertate Ecclesiae, et considerato avito ac universali consensu omnium gentium ? Coloczae, die 10-a Januarii 1862. Nr. 45. Themata e disciplinis theologicis anno 1862 elucubranda.