Kalocsai Főegyházmegyei Körlevelek, 1858
Index
34 5) Cum vero omnis ea, quam Commissarius hoc in genere exercet potestas, soli Ordinario propria ') , et ab hoc illi solum delegata sit: idcirco a) delegata haec potestas Commissarii ad nutum Ordinarii revocari potest 2); — imo secus etiam Ordinario liberum est, in eodem territorio pro casibus singularibus alium ad praeviam Inquisitionem deputare; b) in omnibus praeviae illius Inquisitionis actibus diserta delegationis huius mentio fieri debet; c) potestas haec per Commissarium ipsum in alium subdelegari non potest 3), sed ipse in obeundo munere ne fors impeditus, ad ipsum Tribunal Matrimoniale se convertat. 6) Cum demum Commissarii hi, potestatem instituendae praeviae Inquisitionis, intra ambitum territorii in decreto nominationis sibi assignati exercere valeant: idcirco a) ex omnibus parochiis eiusdem territorii querelas conjugum recipere et, nisi in casu speciali Tribunal Matrimoniale aliter disponeret, super iis praevie inquirere possunt, et id quidem auctoritate ipsius nominationis , qua in Commissarios Archi-Episcopales deputantur, quin pro singulis casibus nova eis opus foret delegatione; b) nullám suscipient et pertractabunt causam e parochiis extra territori um sibi commissum sitis; c) non obstante delegatione ipsis facta, liberum est fidelibus in ipso eorumdem territorio degentibus causam suam, si id diserte deposcerent, ipsi Tribu nali Archi-Episcopali praevie inquirendam medio Commissarii aut proprii Parochi substernere 4); d) Commissarii munus suapte cessat, si is aliud adeat beneficium, quod sit extra territórium ipsi commissum. 7) Commissario adjungetur per Ordinarium Nótárius 5), ceu muneris socius, qui omnibus inquisitionibus per Commissarium instituendis intervenire debet, — uterque, antequam hoc munus auspicentur, iureiurando semet obstringet secundum formám ab Ordinario designandam, et secretum muneris sui conscientiose servabit. I. Modus recipiendi Actionem. 8) Actor suam ad divortium petitionom aut seripto porrigere c), aut oretenus 7) exponere potest , id ab eius prorsus arbitrio pendet; — nihilominus quocunque modo haec proponatur, eam Commissarius non recipiat, nisi una parochi testimonio probetur, reconciliationis tentamen cum coniugibus rite institutum fuisse 8); nam actionem ad divortium non praemissis tentaminibus reconciliationis prosequi non licet. 9) Priusquam Commissarius in causa sibi substrata quidpiam ex ofíicio suscipiat, rite eum ad id advertere oportet : num Archi-Episcopale Tribunal Colocense, cuius ipse ') Concil. Trident. sess. XXIV. de reformat. cap. 20. — 2) Instruct. pro Judic. Eccles. I. A. §. 98. — 3) Decretal. cap. 4. de offic. vicar. I. 28. — 4) Instruct. pro Judic. Eccles. I. A. §. 215. — 5) Decretal. cap. 11. de testib. et attest. II. 19. et Instruct. pro Judic. Eccl. I. A. §. 214. — 6) Decretal. cap. 1. de libelli oblat. II. 3. gloss. 1. — 7) Instruct. pro Judic. Eccles. I. A. §. 215. — 8) Instruct. pro Judic. Eccl. I. A. §§. 211—213. Ad occurrendum dubiis et quaestionibus quibusvis consultum est: ut parochi in testimonio illo de tentata inter conjuges reconciliatione diserte exponant ipsos dies , quibus tentamen tale susceptum fuerit, cum declaratione , num et qua de causa tertium nefors tentamen emanserit.
