Kalocsai Főegyházmegyei Körlevelek, 1858

Index

quod hominis quoque utpote entis sensitivo-rationalis religiosae indigentiae , Ecclesiam visibilem depó scant, quod egregie confirmatur ipso facto Protestantium, qui in theoria existentiam quidem visibilis a Christo fundatae Ecclesiae inficiantur, in praxi tamen de hujus constructione miro modo sollicitantur. Ceterum mox dicenda veritatem hanc uberius adhuc confirmabunt. Christus Dominus non tantum visibilem fundavit his in terris Ecclesiam, sed etiam illám voluit esse inaequalem. Duodecim elegit Apostolos, et septuaginta discipulos, quibus praefecit Petrum Luc. 6. Matth. 16.His solis Apostolis et non aliis tradidit a) munus docendi Matth. 28. Eph. 4. b) Sacramenta per ipsum instituta administrandi Matth. 26. Joan. 10. I. Cor. 4. II. Cor. 6. c) Supremam demum in Ecclesia potestatem omnia illa in Spiritu suo ordinandi, quae ad finem ejusdem Ecclesiae obtinendum necessaria videbuntur. Matth. 16. 17. Joan. 20. Actor. 15. I. Cor. 5. Singulariter autem Petro tradidit claves regni coelorum etiam ceteris communicandas, atque summám illám potestatem, qua non tantum agnis, sed etiam ovibus praeesset, et illos pasceret, id est regeret. Sed neque ullus negare auserit : Apostolos mox in constituendis et regendis Ecclesiis ita se gessisse, prout gerere se debent illi, ad quos spectat suprema in Ecclesia potestas. Iis vero vita functis, per ipsos in suos successores ordinati Episcopi eandem potestatem ultro exercuerunt, exercentque actu, nemine, si obscuros aliquos antiquos haereticos aut protestantes recentiores exceperis, reclamante, quin tota Ecclesia comprobante et confirmante, manifesto indicio a temporibus Apostolorum fkleles semper persuasos fuisse : ipsos in negotio salutis Apostolis horumque legitimis successoribus Episcopis divinitus subordinatos esse, quibus in conscientia obedire debent, si salute excidere nolunt. Porro Christus Dominus hanc suamEcclesiam voluit una esse etiam indefectibilem, id est perennem et nunquam deficientem. Veritatem hanc promissio Christi : ,,Ecce ego vobiscum sum omnibus diebus usque ad consummationem seculi" Matth. 28, satis evincit. Si enim Christus cum sua Ecclesia est, numquid illa desinere poterit? Qualis haec esset assistentia? Qualis virtus Christi, quae suam conservare non posset Ecclesiam? Ceterum conservabit lile usque ad consummationem seculi, quoniam illám supra firmám Petrám fundavit, contra quam praevalere ipso asserente, ne quidem portae inferi poterunt. Matth. 16. Et reipsa história testis est, Ecclesiam Christi, licet seculorum decursu tantis procellis agitata fuerit, nunquam tamen defecisse, quin hodie quoque florere, et triumphum super novos et novos inimicos reportare, qui nihil non moliuntur, ut eam, si tamen possent, funditus evertant. Ex hac indefectibilitate Ecclesiae sponte fluit etiam ejus in docendo infallibilitas. Essentia enim verae Christi Ecclesiae constituitur doctrinae integritate et puritate, qua deficiente deficit ipsa Christi Ecclesia. Quam inerrantiam tum Christus ipse Matth. 16, 17, 28, 20; tum etiam Apostoli Ephes. 4, 11 —15, l.Tim. 3, 15 etc., satis clare docent. Sed de hac veritate etiam ipsi fideles semper persuasi erant, utpote qui enatis controversiis causae