Historische Blätter 7. (1937)
Walter Latzke: Das Ende des Wiener Frauenklosters St. Anna
zehenden, des hungerischen im neunten und des behemischen im dreyund- zwainzigisten. Maximilian e. h. ad mandátum sacrae caesareae maiestatis proprium vidit Jo. Bapt. Weber Dr. e. h. W. Unverzagt e. h. 2. 1581 Sept. 8, Wien Auf sonndere Verordnung der röm. kay. mt. etc. unnsers allergne- digisten herrn von der fr. dht. Ernnsts, erzherczogs zu Österreich etc. unnsers auch gnedigisten herrn, der kay. mt. verordneten Presidenten unnd gaistlichen räthen inn gnaden anzuzaigen, es haben sich ire kay. mt. auf der patrum Societatis Jhesu gehorsames supplicieren (darinnen sy inen das closter zu St. Anna alhie sambt desselben güetter unnd einkomen in perpetuum zu incorporieren begern) gnedigist dahin resolviert unnd bewilligt, daß bemelte Societet dises vacierende closter unnd desselben zugehörige güetter unnd einkomen an yeczo alsbaldt volkomenlich uniert, incorporiert unnd salva authoritate sedis apostolicae libere concediert und eingeraumet unnd alsdann auch ratificatio et consensus summi pontificis darüber richtig gemacht werde, unnd solches mit dem austruckenlichen Vorbehalt und beveleh, daß sy den gestifften gotsdiennst daselbs alles fleiß verrichten etc. Unnd ist dorauf anstatt unnd im namen der kay. mt. irer fr. dht. gnedigister bevelh, daß sy, die herrn gaistlichen räthe mit der berürten incorporation und einraumung des vacierenden closters zu St. Anna allhie nit allain unverzogenlich fürgehn, sonndern auch sich inn namen irer fr. dht. mit den patribus Societatis dahin vergleichen und bereden, wie unnd wasmassen dieselbe ratification unnd consens von irer bäpstlichen ht. zu suechen unnd zu erlangen sein möchte etc. unnd dessen hernach ir fr. dht. mit guetbeduncken fürderlich berichten, welches sy die herrn gaistlichen räthe also inn das werck zu richten wissen unnd es beschicht hierinnen hochstermeiter kay. mt. wie auch irer fr. dht. gnedigister endtlicher willen unnd mainung. decretum per serenissimum archiducem 9. Septembris ao. (15)81 Helferich Guett e. h. S. Westernacher e. h. 116
