Historische Blätter 5. (1932)
Johann Zeno Goëss: Elf Briefe König Ferdinands I. an seinen Feldhauptmann Hans Katzianer
verfaren, auch nit gedenken, noch furnemen, das dw dich unsers dienst, deiner zwayer ämbter und haubtmanschaften entladen wellest, sonder uns zu undertenigen gefallen dabei lenger beleiben und die versehen, doch zum wenigisten, bis wir unser niderösterreichische land wider erreichen, so wollen wir auf weiter dein underthenig ansuechen gnediglich nachgedacht sein, derhalben gnediglich zu handeln der gnedigen Zuversicht, du werdest uns des nit waigern, sein wir mit gnaden zu bedenken genaigt und wollten dir das alles gnediger maynung nit verhalten. — Geben zu Augspurg den andern tag Augusti im 30., unserer reiche im vierten jaren. Ferdinand. Vidít Bernhardus Ad mandátum domini regis proprium: cardinalis Tridentinus. Adler. 7. 1531 April 2, Brünn. Getrewer lieber. Wir haben dein schreiben unter andrem inhaltend, wie du bericht seiest, daz du in uns getragen sein sollest, als hättest du in unserm kunigreich Hungern vil eingenomen, das dir nit zugehört hett, und dich hoch bereicht haben sollest etc. merers inhalts deiner Verantwortung und entschuldigung und anders gnediglich verstanden und geben dir gnediglich zu erkennen, das wir nit wissen noch ingedenk sein, das uns von yemands dergleichen anzeigen von dir bescheen ist; und ob das gleich bescheen wer, so sollest du der underthenigen Zuversicht gegen uns sein, das wir solchem kainen glauben geben, sonder dich zuvor in deiner Verantwortung hören und vernemen wölten. Weil es aber nit bescheen und des kain wissen haben, so achten wir, das es vergeben und leichtfertig reden, in kainen grund auf inen tragen, seien und darumben, das du dich derselben desserweniger sollest anfechten lassen, dann wir wissen von dir nicht anderst, weder das du uns eerlichen und aufrichtig- lichen gedient hast, das wir mit dir gnediglich zufrieden seien und ist unser gnedigs begern, das du noch also hinfür nicht weniger darinnen beharren und bleiben und wie bisher zum besten und gehorsamlich solh dein dienst verrichten wollest; des sein wir gegen dir nicht weniger als vor mit allen gnaden zu erkennen ganz genaigt und wollten solhs zu ainer wissenhait gnediger mainung nit unangezaigt lassen. Dann was der crabatischen ortflecken und derselben Vorsehung halb belangt, wollen wir die sach zum ersten für die hand nemen und dir alsdann deshalben 30
