Bél Mátyás: Heves megye ismertetése 1730–1735 - A Heves Megyei Levéltár forráskiadványai 8. (Eger, 2001)
KÜLÖNÖS RÉSZ - I. szakasz A járásokról - I. rész Heves vármegye felosztásáról - Eger
Item si quis in sede judicis civitatis aut villa judicis alicujus Agriensis vallis habent causam ventillatam, de cujus discussione pars altera non erit contenta, in hoc casu potest appellare ad sedem domini provisoris arcis Agriensis, et si nec ibi fuerit contentus, extunc poterit appellare ad propriam personam domini reverendissimi episcopi ejusdem loci, vel locumtenentis ac totius vallis Agriensis suo in loco permanente. A sede autem domini reverendissimi non fit appellatio ad aliquem superiorem. Item nobilis quispiam, aut persona dignitate fungens sacerdotali, sive monachus non possunt cives ipsos in causis profanis et mere civilibus alio citare, quam ad judices eorum ordine et modo praemisso. Item nulla causa ecclesiastica potest a judicibus ipsis saecularibus revideri, nec autem civiles a vicario in spiritualibus, sed ad suum quaeque causa judicem competentem remittatur. Item si quis causa adjudicata in sede judicis manente adhuc non appellant ad sedem provisoris, verum postridie aut deinceps, talis appellatio nullius est vigoris, poterit tamen, si voluerit et si se gravatum esse aliquibus ex rebus putaverit, a domino reverendissimo episcopo aut judice novum judicium impetrare. Item si quis liberos non habet, potest de rebus suis testamentaliter aut legitime, prout volet, disponere, testamentum tamen offerri debet domino reverendissimo confirmandum. Item si quis civium aut incolarum praefatae vallis Agriensis homicidium, aut effusionem sanguinis, aut aliud simile crimen perpetraverit, isque bona ibidem habere compertus fuerit, provisor, aut castellanus, vel aliquis officialis, non potest eum apprehendere, sed judex civitatis, vel alter suus Ordinarius, ipse tamen judex debet comprehensum legitime secundum qualitatem demeriti sui castigare et punire, ne maleficia hujusmodi propagentur. Nos itaque accepta humillima supplicatione praenominati domini Joanni Zalay suo et aliorum, quorum supra nominibus et personis nobis modo, quo supra porrecta, exaudita et admissa eosdem articulos annotatorum civium nostrorum de et super aliquibus ipsorum juribus, legibus et consuetudinibus praesentibus nostris privilegialibus de verbo ad verbum insertos et inscriptos ratos, gratos et accepta 67 habentes approbavimus, roboravimus et ratificavimus, ac pro praenominatis universis civibus nostris ipsorumque posteris et successoribus universis innovantes perpetuo valituros confirmamus immo acceptamus, roboramus, approbamus et confirmamus salvo jure alieno. Harum quibus sigillum nostrum, quo utimur, est appensum vigore et testimonio litterarum. Datum Viennae die 9-a mensis Április 1552. 6 7 Helyesen: acceptos. 102
