Az egri püspökség jövedelmeinek 1799. évi összeírása III. - Az egri egyházmegye történetének forrásai 7. (Eger, 2003)
Possessio Hejce
Possessio Hejcz e pagina 417. Sectio 1. Objecta juridica possessionem hanc singillative tangentia §• 1. Possessio Hejcze comitatui Aba-ujváriensi ingremiata situatur ad radicem montium Gergely-Hegy et Sólyom-keő nominatorum, habetque ad orientem praeattactos montes, ad septemtrionem partim praedium Klastrom (a claustro olim patrum Sancti Pauli primi eremitae ibidem ut refertur olim existente) nuncupatum, ad Paulum Bárczay et Josephum Krajnik jure successionis et respective redemptibili pertinens, partim vero terrenum possessionis Göncz-Ruszka. Ad occasum possessiones Göncz-Ruszka, Kiss-falu et Vilmány, quarum prima per baronum Jacobum Mesko, Paulum Bárczay, Sigismundum Zombory Krajnikianos, Márjássianos, Battikianos et Gönczianos jure diverso, altera vero per Josephum Krajnik et Samuelem Domonkos jure pignoratitio, tertia denique per barones Josephum et Ladislaum Orczy possidetur. Ad meridiem terrenum possessionis Fony ad Regio-camerale Dominium et arcem Regécz spectantis, ac ex defectu seminis per mortem Sanctae Regiae Imperii principis a Treuczon enato in fiscum regium devoluta. Terrenum possessionis hujus Hejcze a praedio Klastrom partim per arbores antiquas, cruce signatas, et viam supra Péter-Réttye locatam, partim per cumulum lapideum et loca antiquarum vinearum Lebo vocatarum. A possessione GönczRuszka vero inde a vinea Hevitamiana per viam ex Göncz-Ruszka, ad praedium Klastrom ducentam, et rivulum superiorem Nádas-Pataka nominatum, nec non per cumulos et metas terreas a terrenis possessionum Kiss-falu et Vilmány vero, via ex Vizsoly ad Hejcze et Göncz in vertice Collis ducente. A terreno denique possessionis Fony cumulis e terra aggestis, interque possessionem hanc et Hejcze existentibus montibus et sylvis separatur ac distingvitur. pagina 418. §•2. Possessio haec controversias metales sequentes habet: A parte territorii Fonyiensis, impetitur per Regio-camerale Dominium Regécz, siquidem dominium episcopale, quoad majorem partem sylvarum inter Fony, Regécz et Hejcze interjacentium pratensionem formet. A parte vero praedii Klastrom per Paulum Bárczay propter supra attactam plagam Lebo, prata item Nagy- et Kiss Péter-Réttye hisque vicinas piagas sylvosas et dumetosas. A parte autem Vilmány per Barones Orczy propter via superius attacta variationem. Intuitu controversiarum harum, et quidem Fonyiensis, processus metalis coram Majestas Regia anno adhuc 1758 sub possessorio seminarii Agriensis inchoatus, verum possessione Hejcze a possessorio seminarii (quod solummodo hypothecarium fuerat) avulse et in episcopatum Agriensem rursus devoluta, alter do215
