A Győri Püspökség Körlevelei, 1934
Tartalomjegyzék
48 tentis anni infrascripto Cardinali Paeniten- tiario Maiori concessa, idem Summus Pontifex decrevit partialem trium annorum indulgentiam acquiri posse, quoties fideles devote et saltem animo contrito praefatam precatiunculam recitaverint, atque plenariam indulgentiam suetis conditionibus, semel in mense, si singulis diebus, durante mense, eamdem recitationem peregerint. Quemadmodum vero Crucis memoria separari nequit ab ineffabilium dolorum recordatione, qui dulcissimum Beatae Virginis Cor iuxta Crucem transfixerunt, ita idem Supremus Pontifex iubet ut hoc anno, in toto terrarum Orbe specialiter designato ad commemorandam generis humani Redemptionem, peculiares ampliores- que spirituales favores singulis fidelibus concedantur, qui singulari ea, qua decet, pietate gratique animi sensibus, suae aman- tissimae Matris gemitus recolant, recitando valde simplices et amore plenas invocationes, quae continentur in sequentia „Stabat Mater dolorosa", prout sacra Liturgia easdem fidelibus proponit, non tantum ut eius doloribus compatiantur, sed praecipue etiam ut ad deflenda propria peccata, veram equidem ineffabilium paenarum causam, impellantur. Itaque in supra dicta audientia Sanctitas Sua non modo partialem indulgentiam, praefatae sequentiae iam adnexam, augere dignata est ad septem annos quoties devote recitetur, verum etiam decrevit ut partialis indulgentia quingentorum dierum concedatur recitationi unicae strophae eiusdem sequentiae „Sancta Mater, istud agas...“, quam simpliciores quoque fideles apprime sciunt quamque saepius, in jubilari- bus visitationibus tam elapsi quam praesentis anni, coram imagine Virginis recitarunt vel recitaturi sunt; plenaria autem, semel in mense, suetis conditionibus non modo integrae sequentiae, veium etiam huic simplici strophae, si singulis diebus, durante mense, alterutra ad arbitrium recitatio peragatur ad recolendam talium dolorum memoriam ea pietate, quae in animo revera contrito nunquam deesse potest. Praesenti in perpetuum valituro absque ulla Apostolicarum Litterarum in forma brevi expeditione et contrariis quibuslibet minime obstantibus. Datum Romae, ex Aedibus S. Paeni- tentiariae, die 1 Augusti 1934. L. Card. Lauri, Paenitentiarius Maior. L. S. I. Teodori, Secretarius. IV. INDULGENTIIS AUGETUR „DIES PRO MISSIONIBUS". DECRETUM. Indeficiens semperque maius Missionum incrementum inter infideles Summo Pontifici Pio XI maxime cordi est, qui vehementer exoptat, ut per universum terrarum orbem Christi regnum provehatur, ac praesertim apud dissitas et inaccessas regiones illas, ad quas evangelica lux nondum pervenit. Idcirco Ipse, de animarum salute valde sollicitus, usque ab anno 1926. per decretum S. Rituum Congregationis, die 14 Aprilis editum, omnibus et singulis chri- stifidelibus peculiarem diem, qui quidem Dies pro Missionibus appellaretur, indicare voluit in paene ultima Dominica mensis Octobris quotannis et perpetuo celebrandum. Huiusmodi festum eo spectavit, ut laudabile inceptum illud increbresceret, quod Propagandam Missionariam vocant, scilicet quo melius ac facilius, per opportunas instructiones, dignosceretur Opus Propagationis Fidei, simulque cum materialis ac necessarius obolus colligeretur tum pretiosior orationis fructus percipi posset. Idem Summus Pontifex singulis fidelibus, eo die ad sacram Mensam ac-
