A Győri Püspökség Körlevelei, 1929
Tartalomjegyzék
11 Nr. 534 Josephuí Orosz episcopu auxiliari: 1. Pius Episcopus, Servus Servorum Dei, ! dilecto Filio Josepho Grősz, Dioecesa- snae Curiae Jaurinensis Cancellario, electo Episcopo titulari Orthosiensi, salutem et apostolicam benedictionem. Commissum humilitati Nostrae ab aeterno Pastorum Principe supremi Apostolatus officium, quo universo catholico orbi praesidemus, Nos impellit ut curemus ne memoria pereat illarum Ecclesiarum, quae virtutum splendore et religionis prosperitate floruerunt, etsi modo temporum vicissitudine et injuria pristinam amiserint fulgentem gloriam Cum itaque titularis Ecclesia episcopalis Orthosiensis, sub Archiepi- scopo Tyrensi, per venerabilis Fratris Columbani Breyer, postremi eius Episcopi, ad archiepiscopalem Ecclesiam titularem Adulitanam promotionem, in praesens vacans existat, Nos, de venerabilium Fratrum Nostrorum S. R. E. Cardinalium consilio, Te, ad eam apostolica auctoritate eligimus eiusque Tibi titulum conferimus cum omnibus iuribus et privilegiis, oneribus et obligationibus sublimi huic dignitati inhaerentibus. Te insuper, ita charactere ac dignitate episcopali auctum, venerabili Fratri Antonio Fetser, Episcopo Jaurinensi, de ipsorum Cardinalium consilio, suprema Nostra auctoritate Auxiliarem constituimus et deputamus, ut in pontificalibus exercendis aliisque pastoralibus muneribus obeundis ipsi adiumen- tum praestes, ita tamen ut haec nonnisi de consensu et licentia eiusdem Antonii Episcopi in civitate et dioecesi Jaurinensi obire possis. Volumus autem et mandamus, ut, ceteris quoque impletis de iure servandis, antequam episcopalem consecrationem recipias, in manibus cuiuscumque quem malueris catholici Antistitis, gratiam et communionem Sedis Aposto- licae habentis, fidei catholicae professionem emittere ac sueta iuramenta praestare iuxta statutas formulas, harumque exemplaria, Tui dictique Antistitis subscriptione ac sigillo munita, ad Cancellariam Apostolicam infra sex menses transmittere omnino tenearis. Ad hoc Antistiti a Te electo professionem ac iuramenta illa Nostro et Romanae Ecclesiae nomine recipiendi munus ac mandatum per praesentes committimus. Firmam autem spem fiduciamque concipimus, ut dextera Domini Tibi assistente propitia, Ecclesia Jaurinensis per tuam cum eius Episcopo cooperationem et studium fructuosum prospera in spiritualibus ac temporalibus suscipiat incrementa. Datum Romae apud S Petrum, anno Domini millesimo nongentesimo vigesimo octavo, die septima mensis Decembris, Pontificatus Nostri anno septimo. G. S. T. Fr. Andreas Card. Friihwirth Cancellarius S. R. E. — Joseph Wilpert Dec. Prot. Ap. — Dominicus Jorio Prot. Ap. — Geor- gius Stara Tedde Cancellariae Apostolicae Adiutor a Studiis. — Dominicus Francini, Script. Aplicus. — Expedita die nona mensis Januarii Anno „Septimo". — Alfridus Marini Plumbator.
