A Győri Püspökség Körlevelei, 1916
Tartalomjegyzék
26 Nr. 883. Lauretanis Litaniis addenda invocatio: Regina pacis. 26. Januarii S. Polycarpi Ep. et Mart. dapi. Ex Secretario S. R. C. 14. Aprilis 1915. Philippus Can. Di Fava substitutus. Jaurini, die 5. Februarii 1916. Ex Audientia Ssmi die 16. Novembris 1915. Episcopi complures, nomine etiam cleri populique sui, supplices Apostolicae Sedi preces adhibuerunt, ut decernere vellet, in Litaniis Lauretanis, post invocationem Regina Sacratissimi Rosarii, ora pro nobis, hanc adiici: Regina Pacis, ora pro nobis, quo facilius Christianus populus, interposita sic Beatissimae Virginis deprecatione, optatissima pacis munera impetraret. Cum hac de re ad SS. D. N. Benedictum divina providentia Papam XV. infrascriptus S. Congregationis a Negotiis Ecclesiasticis Extraordinariis Secretarius pro officio retulerit, Beatissimus Pater, eorundem Antistitum populique iis commissi votis obsecundare cupiens, omnibus Ordinariis potestatem benigne facit, ex qua, pro sua quisque dioecesi permittere possint ut in Litaniis Lauretanis recitandis, quoad praesens hoc bellum duraverit, postremae Reginae Sacratissimi Rosarii invocationi ea, quae sequitur, subiiciatur: Regina pacis, ora pro nobis. Contrariis quibuslibet non obstantibus. Datum Romae, e Secretaria eiusdem S. Congregationis, die, mense et anno praedictis. Eugenius Pacelli, Secretarius. Vigore huius indulti Apostolid permitto, ut in Litaniis Lauretanis durante praesenti bello post invocationem „Regina Sacratissimi Rosarii" addatur nova invocatio: „Regina Pacis, ora pro nobis.u Jaurini, die 5. Februarii 1916. S. Poenitentiaria ad dubitationes et controversias solvendas, quae apud nonnullos exortae sunt circa facultates ab eodem S. Tribunali, durante hoc bello, concessas, Decretis diebus 18. Decembris anni 1914, et 11. Martii huius anni datis, adprobante Sanctissimo Domino Nostro Benedicto PP. XV. declarat praedictas facultates in illis locis territorii bellici (vulgo zona di guerra) tantummodo adhiberi posse, in quibus difficile sit fidelibus pro sacramentali confessione peragenda recurrere ad sacerdotes adprobatos a locorum Ordinariis, simulque sacerdotibus ad exercitum pertinentibus eosdem Ordinarios adire ad adprobationem obtinendam pro eorumdem fidelium confessione recipienda. Datum Romae, in Sacra Poenitentiaria, die 4. Decembris 1915. — L. f S. — Guillelmus Card. Van Rossum, Poen Maior. 1. Palica, S. P. Secretarius. Jaurini, die 5. Februarii 1916. Quum in aliquibus locis et Dioecesibus dubium exortum sit: Utrum preces in fine Missae a Summo Pontifice Leone XIII. praescriptae, adhuc sint recitandae, Sacra Rituum Congregatio respondendum censuit: Affirmative, servatis decretis et normis ab ipsa Sacra Congregatione traditis. Atque ita rescripsit, declaravit et approbante Sanctissimo Domino Nostro Benedicto Papa XV., servari mandavit. Die 24. Novembris 1915. — L. f S. — A. Card. Vico, S. R. C. Pro-Praefectus. Alexander Verde, Secretarius. Jaurini, die 5. Februarii 1916. Nr. 884. Declaratio quoad facultates confessa- riorum durante bello. Nr. 885. Decretum circa preces in fine Missae recitandas.
