A Győri Püspökség Körlevelei, 1914
Tartalomjegyzék
125 Nr.4441. Vicarius Capitularis munus suum suscepit; valedicit Praesuli discesso; preces praescribit pro novo Pastore. Ordines. XII. Notum sane Venerabili Clero almae dioeceseos nostrae Jaurinensis est, quod Sua Sacratissima Majestas Franciscus Jo- sephus I. gloriosissime regnans Rex apo- stolicus noster, — cujus cor sicut divisiones aquarum in manu Domini, — dilectissimum ac veneratissimum Praesulem Nostrum, Excellentissimum ac Reverendissimam Dominum Dominum Doctorem Collegiatum Leopoldum Árpád Várady, Suae Sanctitatis Summi Pontificis Camerarium ad honores. Insignis Ordinis Francisci Jo- sephi I. Equitem mediae Crucis cum stella, Sodalitatis S. Ladislai Praesident, Societatis S. Stephani Sect. Scient, et Litter. Membrum, cum ex apostolicae Sedis gratia almae Dioecesi nostrae inde ab anno 1911. fructuosissime ac laudibus pro- secutissimus praefuisset, die 22-a mensis Aprilis a. c. Archiepiscopum Colocensem et Bácsiensem clementissime nominare, — Sua vero Sanctitas, Pontifex Maximus feliciter gubernans, Pius Papa X. in Consistorio publico die 25-a mensis Maii a. c. celebrato preconisare benignissime dignata sit. Excellentissimus ac Reverendissimus pro moerore animi nostri discedens Praesul, inde a temporis momento, quo ad summi Sacerdotii et Pastoris ministerium electus et evectus in Dioecesim nostram intravit, arctissimis suavissimisque vinculis nobis conjunctus erat. Nostis aeque fratres dilectissimi Eum constanti cura, sollicitudine, caritate et insigni dexteritate Ecclesiam nostram et Dioecesim gubernasse. Vir erat ad majora natus; sed adhuc majora in exantlatis laboribus pro domo Dei firmanda et animarum salute anhelabat. Sacrarum aeque ac profanarum scientiarum eruditione cumulatus omni- busque nobis praefulgens, miro eloquentiae dono ornatus, verbi divini ad institutionem, aedificationem et grande solatium fidelium praedicator indefessus, zelo Dei ejusque Ecclesiae plenus, Pastor animarum egregius, vigilantissimus, Pater, Consiliarius et Dux noster. Cum haec omnia in sinceritate cordis et grato animo referimus, nunquam oblivioni tradenda, optamus simulque luben- ter contestamur, quod memoria Ejus in alma Dioecesi nostra in benedictione erit. Fundamus preces, fratres dilectissimi, ut Deus et Dominus noster Suam Excellentiam Antistitem a nobis moesto et gravi animo discessum, — qui testantibus Litteris suis valedictoriis unctione, consiliis solatioque plenis, nostrum in perpetuum memor ac caritate nobis conjunctus immortali erit, — assidua protectione regere et conservare dignetur. Vacante modo hoc sede Episcopali, Venerabile Ecclesiae Cathedralis Jaurinensis Capitulum legibus Concilii Trident. Sess. XXIV. cap. 16. de ref. conformiter, invocato prius Spiritus Sancti auxilio in Sessione sua die ut infra habita, me Vicarium Capitularem elegit et canonice
