A Győri Püspökség Körlevelei, 1913
Tartalomjegyzék
60 A rium recitantes optatam, ut supra, remissionem, rite dispositi ac, nisi impediantur, genuflexi, consequi valeant simulque declaravit, Indulgentiam trium annorum, a s. m. Pio Pp. IX. die 11. Decembris 1846. praedictae orationi adnexam, in suo robore permanere. Praesenti in perpetuum valituro absque ulla Brevis expeditione. Contrariis quibuscumque non obstantibus. M. Card. Rampolla. L. f S. — f D. Archiep. Seleucien., Adsessor S. 0.“ Oratio. Obsecro te, dulcissime Domine Jesu Christe, ut Passio tua sit mihi virtus, qua muniar, protegar atque defendar: vulnera tua sint mihi cibus potusque, quibus pascar, inebrier atque delecter: aspersio Sanguinis tui sit mihi ablutio omnium delictorum meorum: mors tua sit mihi gloria sempiterna. In his sit mihi refectio, exsultatio, sanitas et dulcedo cordis mei. Qui vivis et regnas in saecula saeculorum. Arnen. Jaurini, die 5-a Aprilis 1913. Nr. 3381 Responsa S. Congr. Sacrament. de Missa extra locum sacrum, de baptismate domi administrando, de Eucharistia privatim deferenda. S. C. de disciplina Sacramentorum. Romana et aliarum. — „In plenario emi- nentissimorum Patrum coetu, habito in palatio apostolico Vaticano die 20. Decembris 1912., sequentia dubia proposita fuerunt: I. An et quibus de causis Ordinarii permittere possint per modum actus, ut sacrosancta missa extra locum sacrum, privatis in domibus, celebretur. II. An Ordinarii permittere possint, ut parvulis, praeterquam quod instante mortis periculo vel urgente infirmitate, domi baptismatis sacramentum administretur. III. An Ordinarii permittere possint, ut mala affectis valetudine, qui domo egredi nequeant at sacram Communionem ob devotionem petant, cum praesertim in aliqua paroecia plures petant, vel aliquis petat frequenter, S. Eucharistia privatim, seu non observatis Ritualis praescriptionibus, ab ecclesia domum deferatur. Et Emi Patres, re mature perpensa, reposuerunt: Ad I. Affirmative ex iustis et rationabilibus causis, per modum actus, non tamen in cubiculo, sed in loco decenti, servatisque aliis de iure servandis et gratis omnino quocumque titulo. Ad II. Affirmative ex iusta et rationabili causa. Ad III. Affirmative ex iusta et rationabili causa, servato saltem ritu proposito a Benedicto XIV. in decreto Inter omnigenas, 2. Febr. 1744., §. 23., scilicet: „Sacerdos stolam semper habeat propriis coopertam vestibus; in sacculo seu bursa pixidem recondat, quam per funiculos collo appensam in sinu reponat; et nunquam solus procedat, sed uno saltem fideli, in defectu clerici, associetur. “ Quas resolutiones Ssmus D. N. Pius PP. X. in audientia habita ab infrascripto Secretario diď 22. Decembris 1912. ratas habere et confirmare dignatus est. — Datum Romae e Secretaria S. C. de disciplina Sacramentorum, die 23. Decembris 1912. — D. CARD. FERRATA, Praefectus, Ph. Giustini, Secretarius.“ Jaurini, die 5-a Aprilis 1913. Pro cinosura publici hisce iuris facio sequens S. Sedis Apostolicae decretum: „Postremis hisce annis haud raro contigit, ut per cinemotographa et proiectio- nes, ut aiunt, actiones quaedam scenicae in ecclesiis haberentur. Quod, etsi pio iuvandae religiosae fidelium institutionis desiderio peractum fuerit, visum tamen Nr. 3382 Scenicae actiones in ecclesiis prohibitae.
