A Győri Püspökség Körlevelei, 1913

Tartalomjegyzék

112

Nr. 5881

S. Vincen- tii Ferreri Preces ad Sanctum Vitae Mortalis Exitum a Deo Implorandum Indulgentia CCC Dierum Ditantur.

Ssmmus D. N. D. Pius div. prov. Pp. X, in audientia R. P. D. Adsessori S'. Officii impertita, benigne concedere dignatus est, ut christifideles, infra relatas preces, a S. Vincentio Ferreri compositas ad sanctum vitae mortalis exitum a Deo implorandum, corde saltem contrito, recitantes, Indulgentiam trecentorum dierum semel in die lucrari valeant, quam, si malint, animabus etiam in Purgatorio degentibus applicare queant. Praesenti in perpetuum valituro absque ulla Brevis expeditione. Contrariis quibuscumque non obstantibus. Die 5. Junii 1913. L. f S. M. CARD. RAMPOLLA. f D. Archiep. Seleucien., Ads. S. 0.

Preces.

Miserere mei, Deus: et exaudi orationem meam (Ps. IV, v.# 1).

Miserere mei, Domine, quoniam infirmus sum: sana me, Domine, quoniam conturbata sunt ossa mea (Ps. VI, v. 2).

Miserere mei, Domine: vide humilitatem meam de inimicis meis (Ps. IX, v. 13).

Miserere mei, Deus, quoniam tribulor: conturbatus est in ira oculus meus et venter meus (Ps. XXX, v. 9).

Miserere mei, Deus: secundum magnam misericordiam tuam (Ps. L, v. 1).

Miserere mei, Deus: quoniam conculcavit me homo: tota die impugnans tri- bulavit me (Ps. LV, v. 1).

Miserere mei, Deus, miserere mei: quoniám in te confidit anima mea (Ps. IVI, v. 1).

Miserere mei, Domine, quoniam ad te clamavi tota die: laetifica animam servi tui, quoniam ad te, Domine, animam meam levavi (Ps. LXXXV, v. 3).

Miserere nostri, Domine, miserere nostri: quia multum repleti sumus despectione (Ps. CXXII, v. 4).

Gloria Patri, et filio, et Spiritui Sancto: Sicut erat in principio, et nunc, et semper, et in saecula saeculorum. Arnen.

Oremus.

Domine lesu Christe, qui neminem vis perire, et cui numquam sine spe misericordiae supplicatur, nam tu dixisti ore sancto tuo et benedicto, omnia quaecumque petieritis in nomine meo, fient vobis; peto a te, Domine, propter nomen sanctum tuum, ut in articulo mortis meae des mihi integritatem sensus cum loquela, vehementem contritionem de peccatis meis, veram fidem, spem ordinatam, caritatem perfectam, ut tibi puro corde dicere valeam: In manus tuas, Domine, commendo spiritum meum; redemisti me, Deus veritatis, qui es benedictus in saecula saeculorum. Arnen.

Jaurini, die 15. Julii 1913.

Ordinarius Verapolitanus ad oras Mala- baricas in Asia ultimis temporibus ad hanc sacram Congregationem Consistorialem sequentia dubia circa iuramentum anti- modernisticum proposuit, nempe:

I. An Ordinarius in casu concedere possit sacerdotibus extradioecesanis latini ritus, a suis Ordinariis pro sua respectiva dioecesi iam adprobatis, facultatem audiendi confessiones sive pro una alterave vice sive ad aliquod plus minusve longum temporis spatium, quin cogatur ab eis denuo excipere iusiurandum praescriptum in Motu Proprio Sacrorum Antistitum contra mondernistarum errores;

II. An idem possit Ordinarius, si agatur de sacerdotibus ritus syromalabarici, qui, etiamsi in suo ritu adprobati fuerint ad confessiones, numquam tamen dictum iusiurandum praestiterunt.

Nr. 5882

Dubia Circa lura- mentum Anti- moder- nisticum.