A Győri Püspökség Körlevelei, 1910
Tartalomjegyzék
IV. Venerabili in Christo Fratri Reverendissimo Domino Dri. Ludovico Balics Abbati t. de Ohat, Supremo Scholarum catholicarum Inspectori Dioecesano, Canonico E. C. I. etc. Salutem et benedictionem in Domino Sempiternam ! Dr. Ludovicus Szely, S. Sanctitatis Praelatus Dom., Protonotarius Apóst. Praepositus St. Salvatoris de Pápócz, Canonicus E. C, I. infirmitate impeditus relevari se imploravit a munere Vicarii Episcopalis Nostri et Auditoris Generalis Causarum. Experientia et dexteritas in administrandis negotiis dioecesanis iam comprobata; iudicium sine tergiversatione rectum, scientia—• aliae que praeclarae dotes animi Rssmam Dominationem Vestram Nobis commendarunt, cui grave Vicarii Generalis tota cum fiducia possemus concredere munus et officium. Vigore harum Litterarum Vicarium Nostrum et Causarum Auditorem Generalem Jaurinensem constituimus et deputamus cum omnibus iuribus ac facultatibus, quae in sequentibus enumerantur, definiuntur, circumscribuntur. 1. Subdelegamus omnes facultates a S. Poenitentiaria Romana ad quinquennium pro foro conscientiae etiam extra Sacramentalem Confessionem Nobis Ordinario concessas. 2. Subdelegamus facultates pro foro externo a S. Sede Apostolica ad quinquennium Nobis Ordinario concessas, eo subnexo, quod in sensu puncti i. facultatem Sacerdotes seu Regulares seu Saeculares in haeresim vel apostasiam lapsos, si reverti in Ecclesiam Catholicam desideraverint, absolvendi pro semper Nobis reservamus. Pariter reservamus facultates in punctis 12., 13., 14. et 18. comprehensas. 3. Subdelegamus facultates speciales a Sanctissimo Domino Nostro Papa pro viginti quinque casibus concessas, nempe dispensandi in II. puro et mixto cum III. et IV. gradu consanguinitatis et affinitatis, similiter subdelegamus facultatem specialem a Ssmo Domino Nostro Papa Pio X. pro uno anno Nobis concessam, nempe dispensandi in I. gradu affinitatis lineae transversae ex copula licita proveniente ; item et facultatem specialem ad quinquennium concessam dispensandi in vetito mixtae religionis. 4. Uteris facultate dispensandi in I. gradu Consanguinitatis et Affinitatis seu legitimae seu illegitimae mixto cum II., III. et IV. gradu in linea collaterali sive per Curiam Romanam sive per Nuntium Apostolicum pro hoc casu ordinariatui Nostro concessa. Nr. 2389. Dr. Ludovicus Balics Vicarius Generalis Eppalis deputatur. 5- Tribuimus potestatem a quibusvis Nobis reservatis casibus et peccatis absolvendi, hancque facultatem cum aliis quoque approbatis Contessariis, nec non iis, qui eminenti scientia et pietate praestant, communicandi et subdelegandi.
