A Győri Püspökség Körlevelei, 1908
Tartalomjegyzék
15 R. D. Julius Heinrich parochus Felsőgallaensis anno aetatis suae 460 et sacerdotii 22-0, die 14-a Januarii a. c. pie susceptis moribundorum sacramentis, post brevem aegritudinem placide in Domino obiit. Animam fratris denati consuetis ad aram precibus commendo, ut vitam aeternam consequi mereatur. Jaurini, die 30-a Januarii, 1908. Die 12. m. curr. post pie suscepta moribundorum Sacramenta, plenus dierum ac meritorum, in domo quiescentium huius Dioecesis sacerdotum, miti obitu decessit Ignatius Nagy em. Sacristiae Director Ecclesiae meae Cathedralis, Collegii S. Ladislai socius senior ac Assessor Consistorialis, aetatis suae anno 85., sacerdotii vero 60., die 14. eiusdem mensis, interveniente condolentium fratrum sacerdotum et omnis conditionis fidelium magna frequentia, tumulo illatus. Anno 1848. ad s. Presbyteratus ordinem promotus, post exactos in munere cooperatoris in Győrujváros, subin in Győrbelváros circiter quinque annos, anno 1853. Curatiam in Monte Capitulari Jaurinensi, anno autem insequenti beneficium parochiale in Rábapatona adeptus est. Beneficio isthoc anno 1861. sponte dimisso munus suscepit Directoris Sacristiae Ecclesiae Cathedralis eiusque agendis — demta decem mensium in Terra Sancta ad Sepulchrum Domini exactorum inter capedine — per 26 annos laudabiliter perfunctus anno 1887. ad statum quietis recessit, tempore procedente honore societatis Collegii S. Ladislai distinctus. Longaevae vitae cursum pie denati sub unum aspectum subiicienti mihi parum omnino videtur edicere: eundem in exsequendis officiorum sibi delatorum muneribus sacerdotem recti in omnibus exempli fuisse ; de eorum etenim erat sacerdotum numero, quorum in quaerenda animarum aeterna salute ardor, socio consentientium aliarum virtutum sacerdotalium lumine ac splendore, ultra strictiores debitorum officiorum terminos progressus latiorem per circuitum facit pullulare flores et — Deo incrementum dante — maturat fructus virtutum Christianarum. Missis caeteris, quibus denatus praestabat virtutum ornamentis, meminisse hac occasione iuvat tenerae eius ac vere filialis in Beatissimam Dei Genitricem Virginem Mariam pietatis, ardentissimi porro eiusdem studii, quo paris pietatis affectus altiores usque figeret in cordibus fidelium radices et laetiora in dies caperet incrementa. Quapropter erat, quoad vires suppetebant, frequens in dicendis ad concio, nem de laudibus B. Virginis sacris sermonibus, quorum quidem tanto efficacior erat vis, quanto felicius fuerant audientium ingenio accommodati; erat assiduus in propagandis scriptis de B. M. V. praerogativis tractantibus; pie ingeniosus in ordinandis in honorem eiusdem Virginis extraordinariis devotionibus; indefessus in introducendis ac moderandis piis Sodalitatibus marialibus; indefessus item in instituendis ac ducendis ad loca sacra, quae eminentioribus beneficiorum Beatissimae Matris praefulgere noscuntur documentis, sacris peregrinationibus, quas quidem peregrinationes jpse, contempta viarum longinquitate ac asperitate, spreta caeli intemperie, imo spreto ipso ingravescentis aetatis onere, in sera etiam senectute pedestri semper itinere absolvit, — nusquam de caetero beatior, quam ubi solemnitatibus in vicinioriNr. 607. Obitus Julii Heinrich. Nr. 608, Obitus Igna- tii Nagy em Directoris Sacristiae E. C. J.
