A Győri Püspökség Körlevelei, 1904
Tartalomjegyzék
84 Nr. 2013. Decretum Pisana 20 Martii 1903. circa musicam in Maiori Hebdomada, habendum est ut generale seu Urbis et Orbis. Nr. 2014. Pius X. eximie laudat sollertiam germanicae Societatis Caecilianae circa Cantum gregorianum. rerum ac temporum circumstantiis ab Apostolica Sede et ab hac Sacra Congregatione inducebantur, eadem Sanctitas Sua benigne concedere dignata est, ut praedictae cantus liturgici recentiores formae, in iis Ecclesiis ubi iam invectae sunt, licite retineri et cantari queant, donec quamprimum fieri poterit venerabilis Cantus Gregoriánus iuxta codicum fidem in eorum locum sufficiatur. Contrariis non obstantibus quibuscunque. De hisce omnibus Sanctissimus Dominus Noster PIUS Papa X. huic Sacrorum Rituum Congregationi praesens Decretum expediri iussit. Die 8. Ianuarii 1904. — Seraphinus Card. Cretoni, S. R. C. Praefectus, f Diomedes Panici, Archip. Laodicen. S. R. C. Secretarius. Jaurini, die 20-a Martii 1904. Quum ex Decreto Sacrorum Rituum Congregationis in una Pisana die 20. Martii anni nuper elapsi 1903. tolerari non possit, ut cantus Lamentationum, Responsoriorum et Psalmi Miserere in Feriis IV., V. et VI. Maioris Hebdomadae fiat simul cum instrumento »Harmonium« et aliis instrumentis sine strepitu, »a corda, violini, viole, controbassi« nuncupatis, neque cum solo instrumento »Harmonium« E.-mus et R.-mus D.-nus Cardinalis Joseph. Maria Martin de Hararry de la Iglesia, Archiepiscopus Compostellanus ab eadem Sacra Congregatione sequentis dubii, opportunam declarationem reverenter expostulavit, nimirum: »An praedictum Decretum habendum sit tamquam Decretum generale, seu Urbis et Orbis, ita ut ubique obliget, non obstante quacumque consuetudine in contrarium etiam immemoriali ?« Et Sacra Rituum Congregatio, ad relationem subscripti Secretarii, exquisito etiam voto Commissionis Liturgicae, respondendum censuit: Affirmative, quum Decretum Rubricas respiciat universam Ecclesiam spectantes, et in casu provisum etiam Motu proprio SS.-mi D.-ni Pii Papae X. super Musica Sacra d. d. 22. Novembris 1903. et subsequenti Decreto S. R. Congr. Urbis et Orbis hac die 8 Januarii 1904. L. f S. S. Card. Cretoni, Praef., J- D. Panici, Archiep. Laodicen., Secret. Jaurini, die 20-a Martii 1904. Dilecte Fili Noster,1 salutem et Apostolicam benedictionem. Societatem Caecilianam iamdudum apud vos ex instituto id agentem, ut Cantus Gregoriani scientiam peritiamque in usum sacrorum late promoveat, merito tu quidem ac iure Nobis commendasti. Dignum enim omni commendationi studium est hominum, in re elaborantium, quae quum ad sanctissimas caeremonias, ea qua par est religione, peragendas conferat, magnopere ad fovendam pietatem publicam valet. Ex istorum autem a S. Caecilia sodalium sollertia industriaque fiuctus evenire, ubicumque ger- manicus sermo obtinet, laetos atque uberes, quamquam non ignotum Nobis erat, 1 Em. Card. Fischer, Arch. Coloniens.
