A Győri Püspökség Körlevelei, 1904
Tartalomjegyzék
24 Nr. 1332. Indulg. conceduntur intuitu decem crucium, in quodam privato praedio erectarum. Nr. 1333. Indulg. 50 dierum conceditur recitantibus Jacui. Deus sit benedictus. Leo PP. XIII. In perpetuam rei memoriam. Cum sicuti ad Nos relatum, cura dilectae in Christo Filiae Fransciscae de la Rochefoucould Comitissae, in praediis suis »de Plessé« vulgo apellatis, Nanneten-Dioecesis intra fines, plures variis in locis cruces erectae sint, ad fovendam populi erga Crucifixum Redemptorem, pietatem, Nos allatis ab eadem Comitissa precibus benigne annuentes, de omnipotentis Dei misericordia ac BB. Petri et Pauli Ap. eius auctoritate confisi, per praesentes concedimus ut Nannetensis Antistes decem e dictis crucibus semel tantum designare valeat, ante quas rite prius benedictas ab aliquo Sacerdote ab eodem Ordinario deputando, fideles et utroque sexu qui contrito saltem corde quolibet anni die semel Orationem Dominicam, Salutationem Angelicam et Trisagium in memoriam Passionis D. N. I. C. recitent, una tantum vice quovis die ducentorum dierum in forma Ecclesiae consueta partialem Indulgentiam lucrari valeant. Non obstantibus contrariis quibuscumque. Praesentibus perpetuis futuris temporibus valituris. Datum Romae apud S. Petrum sub annulo Piscatoris, die XXXI Martii anni MDCCCCIII, Pontificatus Nostri anno vigesimo sexto. Pro Dno Card. Macchi. N. Marini, Subst. L. (Crux) S. Jaurini, die 25. Februarii 1904. Ui'bis et orbis. Solent pii Christifideles, dum blasphemias in Deum, vel Deiparam Virginem aliosve Sanctos proferri audiunt, ut, aliquo modo, tantam impietatem reparent, Sancto Dei Nomini benedicere hac iaculatoria prece: Deus sit benedictus! (Dio sia benedetto.) Quae piissima praxis ut magis magisque propagetur, SSmo Dno Nostro Pio PP. X. preces porrectae sunt, ut fidelibus praedictam orationem iaculatoriam pronunciantibus, aliquam Indulgentiam elargiri dignaretur. Et Sanctitas Sua, in Audientia habita die 28 Novembris 1903 ab infra- scripto Cardinali Praefecto Sacrae Congregationis Indulgentiis Sacrisque Reliqiis praepositae, preces benigne excipiens, Indulgentiam quinquaginta dierum concessit, defunctis quoque applicabilem, toties a Christifidelibus lucrandam, quoties iidem, blasphemias audientes, corde saltem contrito ac devote eamdem iaculatoaiam precem pronuntiaverint. Praesenti in perpetuum valituro. Contrariis quibuscumque non obstantibus. Datum Romae, ex Secretaria eiusdem Sacrae Congregationis, die 28- Novembris 1903. A. Card. Tripepi, Praef. Franciscus Sogaro, Archiep. Amid. Secret. L. (Crux) S. Jaurini, die 25. Februarii 1904. Nr. 1334. Indulgentiae conceduntur recitantibus orationem Christo Jesu in Cruce. Maria Lampel. v. Castagna, ad osculum S. Pedis profunde provoluta, humiliter Sanctitatem Tuam supplicat, ut spiritualem aliquam indulgentiam hanc Orationem recitantibus concedere digneris: Christo Jesu in Cruce. Jesu mi Crucifixe, suscipe benignus precem, quam nunc pro meae mortis articulo tibi fundo, quando illa iam appetente, omnes mei sensus deficient. Cum igitur, dulcissime Jesu, mei oculi languidi ac demissi te non amplius respicere poterunt, memento illius succensi aspectus, quem nunc tibi converto et miserere mei.
