A Győri Püspökség Körlevelei, 1904
Tartalomjegyzék
132 Nr. 3186. Dubia circ i secundam emissionem votorum solemnium a monialibus Huiusmodi vero Officium et missam, quum de more Emmus et Rmmus Dominus Cardinalis Vincentius Vanutelli, Episcopus Praenestinus et causae Ponens seu Relator, in ordinario Sacrorum Rituum Congregationis coetu, subsignata die ad Vaticanum habito proposuerit; Emmi et Rmmi Patres Sacris tuendis Ritibus praepositi, omnibus mature perpensis, auditoque R. P. D. Alexandro Verde, S. Fidei Promotore, rescribendum censuerunt: Pro gratia et ad E.mum Ponentem cum Promotore Fidei. Die i. septembris 1903. Facta postmodum de his sanctissimo eidem Domino nostro per subscriptum Sacrae Rituum Congregationis Secretarium relatione, Sanctitas Sua sententiam Sacrae ipsius Congregationis ratam habuit; ac suprascriptum Officium cum Missa revisum atque emendatum approbare atque cum ipso festum Patrocinii sancti Vincentii a Paulo die 20. Decembris sub ritu duplici maiori, ecclesiis et oratoriis Congregatinis Missionis et Puellarum Caritatis recolendum, concedere dignata est: servatis Rubricis. Contrariis non obstantibus quibuscumque. Die 7. iisdem mense et anno. — M. Card. MOCENNI -j- D. PANICI, Archiep. Laodicen., Secret. (L. S.) Jaurini, die 25. Maii 1904. Beatissime Pater! S. Congregationis EE. et RR. decreto Perpensis temporum adiunctis, dato 3 Maii 1902, praescriptum est, ut in sanctimonialium monasteriis, in quibus emittuntur vota solemnia, his praemittantur a novitiis simplicia quoque vota ; porro eiusdem S. Congregationis responso dato in una Bononiensi die 28 Julii 1902. resolvitur: Ritum seu caeremoniale, in unoquoque monasterio receptum, adhibendum esse in emittenda prima professione, pro qua consuetae formulae suppressis, si adsint, verbis solemnitatem (votorum) exprimentibus, adiiciatur novitiam nuncupare vota simplicia, iuxta decretum a S. Congr. EE. et RR. die 3 Maii 1902. editum : professionem autem secundam emitti posse privatim in choro seu oratorio interiore coram communitate in manus Superiorissae, praevia approbatione Ordinarii seu Praelati regularis quoad monasteria exempta. Sancitis igitur : in prima simplicium votorum professione ritum receptum, suppressis solum verbis solemnitatem votorum exprimentibus, esse adhibendum, atque secundam solemnium votorum professionem posse emitti privatim, haec dubitatio mihi movetur : 1. Sitne Ordinarii vel, quoad monasteria exempta, Praelati regularis, audito Superiorissae voto, decernere ut secunda quoque professio publice fiat coram Ordinario vel Ordinarii commissario ? 2. Quod caeremoniale sit adhibendum in secunda professione, si privatim coram Superiorissa fit, quodque adhibendum, si publice fit coram Ordinario eiusve commissario ? 3. Utrum et quo modo in casu posteriori manendum in actionibus symbo- licis : benedictione ac traditione veli, anuli, coronae, quae hucusque in ritu solemnis professionis adhibebantur, et ad mentem decreti Perpensis temporum adiunctis, posthac iam in prima votorum simplicium professione in usu erunt.
