A Győri Püspökség Körlevelei, 1904
Tartalomjegyzék
92 tur atque augescat: Sanctissimum Dominum Nostrum PIUM Papam X. supplicibus votis rogavit, ut cuilibet sacerdoti, in Altari sacrum operanti, ubi sancti Apostoli memoratae Religiae custodiuntur, Missam votivam de S. Thoma celebrare liceat, etsi Officium ritus duplicis occurrat. Sanctitas porro Sua eiusdem preces peramanter excipiens petitum privilegium missae votivae ita benigne indulgere dignata est, ut Sacerdotibus tantum peregrinis, vel turmarum pie illuc peregrinantium ducibus, ad enunciatum Altare sacrum facturis Missam votivam de S. Thoma Apostolo fas sit celebrare: dummodo non occurat Duplex primae vel secundae classis, nec non Dominica, Feria, Vigilia, vel Octava, quae sit ex privilegiatis: servatis Rubricis. Contrariis non obstantibus quibuscumque. Die 20. Januarii 1904. S. Card Cretoni. Praef. Crux D. Panici, Archiep. Laodicen. Secret. — L. crux S. Jaurini die 20-a Martii 1904. Nr. 2025. Declaratur revocatam fuisse concessionem circa cantum in lingua vernacula intra Missam cantatam. Quum quaedam Ephemerides Polonicae, quae Varsaviae eduntur, nuper asseruerint, aliquem Ordinarium huius Provinciae Varsavien. obtinuisse a S. Sede permissionem pro populo, canendi iuxta antiquum morem, tempore Missae Solemnis, sine Ministris sacris celebratae, varias cantilenas pias in lingua vernacula, omissis iis, quae a rubricis can. praescribuntur, hodiernus Rmus Dnus Episcopus Plocensis, a Sacrorum Rituum Congregatione opportunam sequentium dubiorum solutionem reverenter expetivit: I. Sitne reapse data talis permissio cuidam Antistitum huius Varsaviensis Provinciae ? II. In casu affirmativo ad I-um, sitne hoc merum tantummodo privilegium pro una Dioecesi, vel extendi possit ad omnes Dioeceses huius Provinciae? III. In casu affirmativo ad Il-um, sintne Decreta Sacrae Rituum Congregationis nr 3365 Clodien. 7. Aug. 1875, ad VII, nr 3496 Praefecturae Apostolicae de Madagaskar, 21. Junii 1879 ad I. nr 3880 Bisarchien. 31. Jan. 1896, et nr 3994 Plocen. 25. Junii 1898 ad I. abrogata? Et Sacra eadem Congregatio, ad relationem subscripti Secretarii, exquisito etiam voto Commissionis Liturgicae omnibusque mature perpensis, rescribendum censuit: Ad. I. Affirmative et ad tempus; quoad supradictas cantilenas, die 22. Aprilis 1899; sed haec permissio iam fuit revocata Motu proprio SSmi D. N. PII Papae X. super musica sacra, 22. Novembris 1903. et Decreto S. R. C. Urbis et Orbis, 8. Januarii 1904. Ad II. Provisum in primo. Ad III. Negative et serventur Decreta praedictis Motu proprio et Decreto Urbis et Orbis confirmata. Atque ita rescripsit. Die 29. Januarii 1904. — L. | S. — S. Card.. Cretoni, Praef. C. Panici, Archiep. Laodicen., Secret. Jaurini, die 20-a Martii 1904.
