A Győri Püspökség Körlevelei, 1903
Tartalomjegyzék
19 'videmus, quominus tanden ad Curatiae saepedictae Capitularis in veram, ss. canonibus conformem parochiam erectionem in Domino procedamus, hocque pacto non modo indigentiis spiritualibus fidelium novae parochiae efficaciori, ut in Domino confidimus, modo succurramus, sed et Nostrae in L. R. Civitatem Soproniensem, locum Nostrum natalem, tum praedilectionis, quum pietatis affectui promti satisfaciamus. Quare habito cum Venerabilibus Fratribus, Ecclesiae videlicet Nostrae Cathedralis Jaurinensis Capitulo consilio, et accedente eiusdem Ven. Capituli, prout iuris est, consensu: I. E territorio illo, in quo Curatus Capitularis ad S. Georgium MM. inde ab institutione istius Curatiae usque ad praesens curam animarum exercebat et exercet, ipsam sedem, seu Domum officiorum publicorum et pertractandorum L. R. Civitatis Soproniensis negotiorum, Domum L. R. Civitatis nuncupatam, eximimus, territorio parochiae eiusdem L R. Civitatis ad S. Michaelem AA. adiungimus et abhinc iuris- dictioni spirituali parochi eiusdem Ecclesiae S. Michaelis AA. subiacere volumus, illam itaque abhinc a territorio illo separatam, territorio parochiae S. Michaelis adnexam et spirituali parochi eiusdem Ecclesiae S. Michaelis AA. subiectam auctoritate Nostra Episcopali harum serie declaramus ac pronuntiamus. II. Territorium porro illud, exempta ab illo ut supra Domo L. R. Civitatis, eadem Nostra auctoritate a cuiusvis alterius parochiae territorio separatum una cum Ecclesia Capituli Collegiati Soproniensis ad S. Georgium MM. ad maiorem Dei Omnipotentis gloriam, in honorem B. Mariae semper Virginis ac S. Gecrgii MM. nec non Sanctorum omnium adque maius salutis animarum incrementum, sub nomine ac titulo Parochiae Soproniensis Capitularis ad S. Georgium MM. in veram, ab omni alia parochia independentem parochiam harum virtute in Domino erigimus et erectam hisce proclamamus, Ecclesiamque dictam parochialem declarantes omnes utriusque sexus Christifideles in dicto territorio degentes huius Ecclesiae et parochiae spirituali iurisdictioni subiicimus salvis, quae de iure sunt, exemptionibus. III. Parochiam porro tali modo erectam Ven. Capitulo Ecclesiae Collegiatae ad S. Georgium MM. ita in perpetuum unimus et incorporamus, ut rectore seu parocho huius parochiae semper Praeposito Capituli Collegiati, aut eo impedito uno e Canonicis Capitularibus futuro, ipsum Ven. Capitulum Ecclesiam Collegiatam, amodo una parochialem, conservare, eam necessariis ad cultum divinum etiam parochialem instructionibus providere, onera cultus divini parochialis ferre, fundationes quasvis ratione parochiae iam factas vel in futurum erigendas iuxta voluntatem fundatorum administrare, denique praebendatos ad subsidium in cura animarum parocho ferendum constitutos vel constituendos necessariis vitae mediis providere teneatur. IV. Pro vitae sustentatione Rectoris huius parochiae praeter praebendam, quam idem seu qua Praepositus, seu qua Canonicus in Capitulo Collegiato tenturus est, assignamus omnes proventus stolares in recognitionem iuris parochialis a quibusdam functionibus specialiter parochialibus per fideles dependendos, quasvis porro alias fidelium oblationes ac denique emolumenta fundationum ad Ecclesiam hanc parochialem ratione parochiae seu iam factarum, seu in futurum erigendarum.
