A Győri Püspökség Körlevelei, 1901
Tartalomjegyzék
22 Nr. 372. Observatio generalis respectu Jubilaei Semestralis. Nr. 373. Dispensatio ab anno luctus quoae ordinandos. Apostolicas has litteras, ea, qua decet reverentia filialique pietate acceptantes, publici iuris facimus, omnes ac singulos DD. sacrorum curiones, caeterosque parochorum vices gerentes, ecclesiarum seminariorumque rectores, religiosorum etiam ordinum superiores ac congregationum moderatores aut confessarios, instituendae juventutis directores spirituales, professores ac catechetas fraterne requirimus, ut in sacris suis concionibus, exhortationibus, catechesibusque quamprimum habendis indictum ab augustissimo Pontifice ad universum orbem extensum annuntient Jubilaeum. Explicent clare et commendent impense amplissimum nobis largas manu propinatum spiritualem hunc thesaurum, quantum licet tam fructuose, ut veritas non tantum pateat placeatque, verum etiam moveat. Idest, ut fideles subditique verum pretium doni nobis oblati cognoscentes, magno desiderio et ardenti animo ferantur ad media illius adipiscendi rite et ad amussim amplectenda, ut initio novi huius saeculi Emittat Deus Spiritum suum super nos et renovetur facies terrae. Pastorales nostras litteras vernacula lingua exaratas velint Domini curiones et eorum vices gerentes die Dominica Il-a post Pascha et continuative Dominica tertia ex ambone populo fideli praelegere. In his scitu in genere omnibus necessaria ad Jubilaei gratiam assequendam breviter quidem exponuntur et serio inculcantur. Quae vero juxta locorum personarumque diversitatem plane specialia sunt, illa velint Domini curiones ipsi adjungere explicare suis que fidelibus observanda praescribere. Monialium confessiones ad Jubilaei indulgentias acquirendas excipere possunt praeter ordinarios confessarios iidem, qui praeterito anno ad hoc faciendum in Circularibus fuerunt deputati. Litterae pastorales in versioné germanica et croatica suo tempore DD. curionibus parochiarum, ubi hujus labii fideles habitant, mediante D. Vice-Archidiacono, submittentur. Interim legant D. curiones et ceteri interessati curatores animarum Hungaricas ac faciant de Jubilaeo celebrando studium diligens certumque sibi planum, quomodo circumstantiis personarum locorumque conformiter hoc negotium sanctum cum usuris quoad fidelium salutem maximis ad felicem exitum deducere possint. Ut autem attentio fidelis populi ad Jubilaeum rite et sancte celebrandum statim ab initio provocetur, excitetur, velint DD. parochi curare, ut pridie ante inchoationem scilicet 27-a Aprilis vespere post pulsum Salutationis angelicae per quadrantis horae saltem spatium in cunctis ecclesiis etiam Regularium cum omnibus companis pulsetur Idem curent fieri etiam 26-a Octobris vespere similiter, ut moneatur populus devotus advenisse ultimum diem Jubilaei ne otiose non negligant novissimam horam in salutarem usum animae suae conventere. Admodum Rev. Domine! Precibus tuis benigne annuens SSmus Dnus Noster praesentibus S. Congregationis Concilii litteris potestatem tribuit ut, non i obstante luctus anno, attenta dioecesis necessitate, possis tuis subditis indulgere, ut a quocumque catholico Episcopo, cum Apostolica Sede communionem habente, ad primam tonsuram et ad S. Ordines usque ad presbyteratum inclusive, servatis de iure servandis promoveantur ; dummodo nemo eorum ab Ordinario antecessore fuerit reiectus, et pro singulis consensus accedat capituli cathedralis ecclesiae legitime congregati, per secreta suffragia emissus. Datum Romae ex S. C. Concilii die 4. Februarii 1901. A. Card. Di Pietra Praef. Jaurinensi Vicario Capitulari.
