A Győri Püspökség Körlevelei, 1901
Tartalomjegyzék
gloriam amplificet, et toti Ecclesiae catholicae benevertat, auctoritate Nostra Apo- stolica per has ipsas litteras concedimus, ut dilectus filius Noster Benedictus Maria S. R. E. Cardinalis . Langénieux dedicare licite possit nomine et auctoritate Nostra novum templum in oppido Lourdes erectum, sacrumque Deo in honorem B. M. V. a sanctissimo Rosario; ut idem dilectus filius Noster in sollemni sacro faciendo utatur libere Pallio velut si in Archidioecesi adesset sua; utque post sacrum sollemne adstanti populo, item auctoritate et nomine Nostro, possit benedicere cum solitis Indulgentiis. Haec concedimus, non obstantibus in contrarium facientibus quibuscumque. Datum Romae apud Sanctum Petrum sub annulo Piscatoris, die VIII. Septembris MDCCCCL, Pontificatus Nostri anno vicesimo quarto. A. Card. Macchi. Jaurini, die 25. Novembris 1901. Supremus Moderator Fratrum S. Vicentii a Paula huic Sac. Congregationi Indulgentiis Sacrisque Reliquiis praepositae humiliter exponit saepe Confessarios, quo melius spirituali poenitentium utilitati consulant, preces vel pia exercitia indulgentiis ditata in sacramentali confessione imponere, existimantes uno eodemque actu datum esse poenitentibus sacramentali poenitentia satisfacere et adnexas precibus vel piis exercitiis indulgentias lucraai. Verum quoad huiusmodi opinionem et praxim non levis sententiarum disparitas exorta est, eo quod nonnulli, innixi Decreto huius S. C. diei 29 Maii 1841, quo negatur posse per preces iam obligatorias, v. gr. per horas canonicas, satisfieri precibus a Summo Pontifice praescriptis ad lucrandam indulgentiam, contendunt omne prorsus fundamentum praedictae opinioni et praxi Confessariorum esse sublatuťn; e contra alii affirmant laudatum Decretum ad rem non facere; in eo siquidem agitur de una vel altera conditione ad lucrandam indulgentiam imposita, non vero de precibus vel piis exercitiis, quae auctoritate Summi Pontificis indulgentias iam secum ferunt, et assumi possunt tanquam Sacramentalis poenitentia, nisi aliter mens concedentis declaraverit. Ut itaque omnis ambigendi ratio de medio tollatur, sequens dubium solvendum proponit: Utrum poenitentes precem aut pium opus indulgentiis ditatum explentes, possunt simul et poenitentiae satisfacere et indulgentias lucrari? Et Emmi Patres in Congregatione Generali ad Vaticanum habita die 11. Iunii 1901. rescripserunt: Affirmative, facto verbo cum SSmo. Quam quidem resolutionem, in audientia habita ab infrascripto Cardinali Praefecto die 14. Iunii 1901. relatam, Sanctitas Sua benigne confirmavit. Datum Romae ex Secretaria eiusdem S. Congregationis die 15. Iunii 1901. S. Card. Cretoni, Praefectus L. -j- S. -j- Franciscus Sogaro, Archiep. Amiden., Secret. Jaurini, die 25 Novembris 1901. Nr. 2662. De precibus piisque exercitiis indulgentiis iam ditatis ad sacram poenitentiam explendam impertitis.
