A Győri Püspökség Körlevelei, 1901
Tartalomjegyzék
82 Nr. 1651. Collecta in Missa pro Summo Pontifice Leone XIII. sumenda. Nr. 1652. Ordo dispensandi Sacramentum Confirmationis Nr. 1653. Neoordinati Presbyteri. Graz; item in domo PP. Carmelitarum Jaurinensi et in Conventu Ord. S. Dominici Sopronii; necnon apud RR. PP. Redemptoristas Vindebonae et in Katzelsdorf. Per litteras ad Superiorem respectivae domus datas quisque tempus sibi aptum indicare et instructionem fors necessariam praeviam impetrare poterit. Jaurini, die 23-a Julii, 1901. Cum post sesqui annum circiter SS. DD. Leo Papa XIII divina favente gratia celebraturus sit Pontificatus sui quintum lustrum, seu ut dici solet, argenteum Jubileum, ad hanc solennitatem rite praeparandam et ut decet in orbe catholico, si tempus advenerit, digne celebrandam, in alma urbe consilium selectissimorum virorum sub Praesidio Petri Cardinalis Respighi Vicarii Generalis suae Sanctitatis coaluit. Hic tamen favor divinae Providantiae, ut scilicet SS. DD. Leo Papa XIII. in Pontificatu assequatur annos Petri pro gloria Dei, exaltatione s. matris Ecclesiae, saluteque fidelium, ferventissimis precibus per pios Sacerdotes et fideles exorandus erit. Monent ergo Patres conscripti supra nominati sacerdotes cunctos, ut tum ipsi quotidianis pulsent ferventissimis precibus coelos pro hac gratia obtinenda, tum vero plebem quoque christianam variis in occasionibus ad idem faciendum, praesertim per devotionem SS. Rosarii exercendam et huic fini applicandam adhortentur. Velint interim tamen Rmi, AR. ac RR. DD Sacerdotes omnes, donec Programma dictorum selectorum Romae congregatorum in lucem prodierit: Collectam pro Papa in Missa Rubricis ubique conformiter reassumere. Jaurini, die 23-a Julii, 1901. Sacramentum Confirmationis futuro mense Augusto in Districtu Tata per Illmum ac Rmum Dominum Ernestum Kutrovatz Eppum consecratum Marcianensem hoc ordine dispensabitur : Die 18-a Augusti in Szőllős; huc venient fideles e Bánhida et Szomód. » 19-a » in Tata cum fidelibus e Duna-Almás. » 20-a » in Felső-Galla; huc venient fideles ex Alsó-Galla et Tolna. » 21-a » in Kecskéd; cum Környe, Vértes-Somló et Gesztes. DD. Curati dictarum parochiarum agant, ut confirmandi debite praeparati accedant ad suscipiendum tantum Sacramentum. Episcopus ad designatas stationes veniens directe ad aedes parochiales vadet; divina autem facturus in ecclesiam pergens ritualiter deducitur et ritualiter recipitur. Jaurini, d<e 23-a Julii 1901. Clerici Dioecesani Philippus Gludovátz, Carolus Gruber, Joannes Huber, Dominicus Mentes, Joannes Thüringer, Guilleilmus Towei, absolutis studiis theologicis ac praemissis praemittendis die i-a Julii per Illmum D. Episcopum Ernestum Kutrovatz ordinati sunt Presbyteri hujus Dioeceseos. Jaurini, die 23-a Julii 1901.
