A Győri Püspökség Körlevelei, 1900
Tartalomjegyzék
2 Nr. 71. Facultates durante anno sancto in vigore manentes. Intemerata in Christum fides, Immaculatae ejusdem Matris tenerrimus cultus sustentavit gentem nostram per millennium: eadem fides idemque cultus instauretur et firmetur saeculari hac solemnitate in gente nostra; renovetur — optandum et orandum — foedus'opera S. Protoregis nostri inter Christum regem et regnum Marianum ante novem saecula initum. Solemniores et frequentiores devotiones publicae, populares missiones et peregrinationes ad loca sacra decursu anno hujus nostri jubilaris, in sensu eommendationum et propositionum praevie jam vulgatarum, instituendae eo tendant, ut in spiritu humilitatis et in animo contrito, invocata potenti intercessione Magnae Dominae nostrae et S. Protoregis nostri, exoretur divinus Salvator, ut super peccatis, offensionibus, negligentiis et deviationibus a lege sua apud nos praesertim recentiori tempore admissis benignus placari, nec in earum justam vindictam regnum suum a nobis auferre dignetur, sed concedere propitius et efficere velit, ut, animis in perversum sensum actis ad amplectendam viam veritatis reductis, instauretur apud nos avita religio, revirescat majorum nostrorum Christianus sensus et in S. Matrem Ecclesiam catholicam antiqua fidelitas, ut omnes, qui se hungaros esse gloriantur, uno ore, uno corde et una fide agnoscant, adorent et glorificent divinum nostrum Redemtorem Jesum Christum, ac honorificent ejus Immaculatam Genitricem, Patronam et Magnam Dominam nostram, sub cujus materna protectione gens nostra, in viis Dei ambulans, ingrediatur novum saeculum, in eoque avitis virtutibus decorata, ac benedictionibus caelestibus simul et terrestribus locupletata ultro vivere, fulgere et florere usque valeat et mereatur. Laboribus vestris sacerdotalibus et pastoralibus, Venerabiles Fratres ac Filii Dilectissimi, in sensu indicatorum votorum meorum suscipiendis et exantlandis amplam gratiarum divinarum affluentiam precor, meque ipsum, viribus corporis attritis a sacris functionibus cohibitum solatiisque earum orbatum, charitativis vestris precibus commendo. Jaurini, die 17-a Januarii 1900. Nunziatura Apostolica a Vienna. Nr. 4197. Excellentissime ae Reverendissime Domine! Quaesitum est huic Apostolicae Nuntiaturae: I. An facultates, Episcopis vel Ordinariis a Sancta Sede pro foro externo concessae, suspensae sint, tempore Jubilaei, per Bullam »Quod Pontificum« editam pridie Kal. Octobris anni 1899. II. An suspensio facultatum facta per dictam Bullam comprehendat, nulla facta exceptione, facultates in folio typis impresso a S. Poenitentiaria Ordinariis et confessariis concedi solitas pro foro interno. Quum praefata dubia, pro meo munere, Sanctae Sedi subjecissem, hoc, quod sequitur, per organon Sacrae Poenitentiariae Apostolicae, responsum accepi. Scilicet: Ad I: Facultates concessas Episcopis vel Ordinariis pro foro externo perseverare durante Anno Sancto.Ad II: Suspensionem hanc non extendi ad poenitentes illos, qui, tempore confessionis, judicio Ordinarii vel Confessarii, sine gravi incommodo hic et nunc ad Urbem accedere nequeunt.
