A Győri Püspökség Körlevelei, 1900
Tartalomjegyzék
v solennes, sicut pro die praecedenti superius ordinatur, cum hymno »Boldogasszony Anyánk«, respective in alio idiomate huic hymno conveniente. 4. Die 18-a Augusti, utpote festo natali hac vice 70 0 Augustissimi Regis nostri, successoris S. Stephani, celebretur solennitas, ut in Directorio praescribitur. 5. Die 20-a Augusti, Festo S Stephani Regis, cultus divinus aeque solenniter celebretur et in fine Missae principalis iterum recitetur superius indicata precatio ad B. M. V. 6. De his omnibus Dominica praecedenti fideles praevie edoceantur ac ad copiose devotionibus his jubilaribus interveniendum evocentur; praeterea pro Sacris solennibus trium istarum dierum jurisdictiones locales et sodalitates catholicae specialiter invitentur. Nos cum prole pia benedicat Virgo Maria, Magna Domina et Patrona nostra! Jaurini, die 20-a Julii 1900. 44 Pro condigne celebranda memoria nonies saeculari conversionis gentis nostrae ad christianam religionem, necnon fundationis regni Apostoliéi Mariani proximo mense Augusto peculiares solemnitates ecclesiasticae pariter et nationales asservabuntur, et quidem Festo Assumtionis B. M. V. seu 15-a Augusti Strigonii, loco natali et residentiali S. Stephani Protoregis nostri, item Albae-Regiae, ubi idem Protorex noster sepultus erat, craniumque Ejus in Ecclesia Cathedrali custoditur; Festo autem ipsius S. Stephani Regis seu 20-a Augusti Budapestini in Arce, ubi sacra ejus Dextera custoditur et in processione solemniter ista die circumducitur. Valde optandum, ut ad istas solemnitates jubilares Hungari catholici undique quo majori numero convolent. Velint DD. Curati fideles suos ad istas catholicas nationales solemnitates, quarum ordo in pagellis publicis vulgabatur, attentos reddere, illosque, quibus adjuncta permittunt, ad iis interveniendum animare. Jaurini, die 20-a Julii 1900. Nr. 2463. Confirmationis ordo. Sacramentum Confirmationis proximo mense in Districtu Rust Illmus ac Rmus D. Episcopus Auxiliaris sequenti ordine administrabit: Die 26-a Augusti in Rákos, ejatibus et parochianis Medgyes. Die 27-a Augusti in Sércz, ejatibus ac parochianis Oszlop et Szent-György. Die 28-a Augusti in Darázsfalva, ejatibus ac parochianis Czinfalva et Klempa. Die 29-a Augusti in Oka, ejatibus ac parochianis Rust et Szent-Margit. Ad designatas stationes Episcopus pridie horis pomeridianis veniens directe ad aedes parochiales vadit; divina autem facturus in Ecclesiam pergens ritualiter deducitur et recipitur. Brevem sermonem sacrum ipse Episcopus habebit, praeterquam in Darázsfalva, ubi de sermone croatico parochus loci providebit. Curam autem habebunt DD. parochi, ut confirmandi ad suscipiendum hoc Sacramentum debite praeparentur. . Jaurini, die 20-a Julii 1900. Nr. 2462. Solemnitates regnicolares intuitu Jubilaei Hungarici.
