A Győri Püspökség Körlevelei, 1900
Tartalomjegyzék
37 XI. Peregrinatio nationalis Hungarica nuper ad limina Apostolorum instituta a Sua Sanctitate clementer excepta est, et ad contestationes homagii nomine Hun- garorum per illustrem ducem peregrinandum depromtas Summus Pontifex viva voce ac datis litteris sequenti modo respondit: Nr. 1901. Summus Pontifex ad Hungaros occasione peregrinationis Romanae. VENERABILI FRATRI GEORGIO ARCHIEPISCOPO COLOCENSI LEO PP. XIII. Venerabilis Frater, Salutem et Apostolicam Benedictionem. Dum publicis laetitiis invectam majoribus ante annos 900 catholicam fidem gens vestra nobilissima domi commemorat, opportune admodum e catholicis Hungáriáé civibus fuere haud pauci, qui Romam ad Petri Sedem contenderent, ut eandem fidem communi veluti nomine profiterentur et confirmarent. Opportune inquimus: nam et catholica sacra, et quae inde effloruit humanitas patriumque decus, non aliunde, quam a Romanis Pontificibus, vestratibus obvenerunt. Sensit profecto sanctus rex Stephanus, quanto suis populis emolumento esset in catholicis gentibus censeri; quamobrem nihil habuit antiquius, quam ut catholicum in illis nomen cresceret ac vigeret. Cujus sanctissimi Regis benefacta si grato recolunt animo, acceptam per illum fidem fortiter retineant Hungari strenueque colant; sic enim et patriae utilitatibus et suo singulorum bono prospicient optime. Nos interim, quam majoribus vestris Silvester II. decessor Noster caritatem probavit, eandem vobis totique genti vestrae profiteri pergimus. Cujus ut testimonium praebeamus, Apostolicam benedictionem tam iis, qui Romam venerunt, quam universis Hungáriáé catholicis incolis, coelestium gratiarum auspicem, amantissime impertimus. Datum Romae apud Sanctum Petrum, die 29-a Aprilis anno 1900. Pontificatus Nostri vicesimo tertio. LEO PP. XIII. m. p. Jaurini, die 1 i-a Junii 1900 Occasione examinis prosynodalis vernalis, diebus 29-a et 30-a p. m. Maji asservati, adprobatione ad sexennium digni judicati sunt sequentes Dioecesis Jauri- nensis Presbyteri: Josephus Kálnoki parochus in Stoczing, Ludovicus Guszich educator in Csákvár, Emericus Ernszt educator in Budapest, Julius Polák cooperator in A. et M. Kismarton, Antonius Győri cooperator in Rába-Szent-Mihály, Marcellus Schilhan cooperator in Magyar-Ovár, Josephus Hegedűs cooperator in Győrnádorváros, Josephus Tibold cooperator in Gálos, praeterea Presbyter Dioecesis Vesprimiensis Julius Heinrich cooperator in Pápa. Jaurini, die 1 f-a Junii 1900. Nr 1902. Adprobati in examine prosynodali vernali.
