A Győri Püspökség Körlevelei, 1900
Tartalomjegyzék
32 tempestive, ante unum circiter mensem, evocare, eorumque in prima sua functione professionem fidei et juramentum officiosum in exordio oralis examinis excipere; extraneis tam Examinatoribus, quam examini semet subjicientibus de hospitio et intertentione apud DD- Canonicos, quorum caritas id laudabiliter adusque praestitit et porro quoque praestare certo parata erit, providere; themata scripto elaboranda e superindicatis disciplinis, cointelligenter cum Examinatoribus fungentibus, assignare; examini orali praesidere et curare, ut tentamen penes omnes examinandos ad singula studia praescripta extendatur; pro tempore laborum scripto perficiendorum invigilandi onus evocatis Examinatoribus dividere; terminato examine consessum fine stabiliendi resultati indicere eique praesidere, vota ab Examinatoribus depromenda colligere ac iis conformiter judicium Collegii pronunciare, denique protocollum desuper ab uno Examinatore, per eum praevie in fungentis Collegii notarium designato, confectum Ordinario substernere. Praeses ipse ex professo non examinat, sed, ubi libuerit, speciales solum quaestiones breviter resolvendas interjicit. 6. Examinator Prosynodalis a Praeside Collegii in ordine vicis suae invitatus defixo tempore Jaurini pro functione comparere et Praesidem desuper praevie certiorem reddere tenetur; gravi tamen causa nefors in comparendo impeditus alium Examinatorem suae classis ad sui vice fungendum ipse requirere obligatus est, requisitum suppleturam acceptantem Praesidi tempestive insinuando. 7. Quilibet Examinator in orali examine e singulis categoriae sibi assignatae studiis cuivis examinando quaestiones, quantum licet, varias * ponet, non uni thesi diutius inhaerendo et quasi paragraphi cujusdam recitationem postulando, sed id potius indagando, utrum concurrens in respectiva disciplina generatim, ac praesertim in illis ejus partibus, quae pro praxi in cura animarum scitu magis necessariae sunt, sufficienter versatus sit, necne. Steriles, mere speculativae quaestiones omnino omittantur. Pro examine scipturistico ad invigilandum designati Examinatores themata assignata concurrentibus simul congregatis publicant et dictant; ne durante labore quispiam e loco examinis egrediatur et cum aliis communicet, cavent; confecta denique elaborata ab ipsis concurrentibus subscripta recipiunt ac ipsi quoque subscribunt, et Praesidi exhibent. 8. Resultatum examinis in protocollo desuper exarando et per Praesidem ac singulos Examinatores subscribendo, de quovis examinato quoad singula studia specialiter est exhibendum per calculos, qui sunt: eminens, bonus, sufficiens, insufficiens. Calculi determinantur in consessu Collegii, perlectis per Examinatores, sive seorsim, sive in communi, scriptis elaboratis. Quoad Dogmaticam, Moralem et Jus Cänonicum oralia responsa cum scriptis elaboratis sunt conferenda et simul expendenda. Quilibet Examinator de quovis examinato e singulis studiis universi examinis votum suum depromit, et si vota non sunt unanimia, pluralitas decidit calculum seorsim: a) in Dogmatica et SS. Scripturarum interpretatione, b) Morali, c) Pastorali et Rituum Sacrorum explanatione, d) Jure Canonico et Decretis Cone. Trident., e) Circularibus Dioecesanis, f) Homiletica, g) Catechetica. Collegii Praeses ipse regulariter votum non dat, sed vota Examinatorum colligit et calculos sive unanimiter, sive pluralitate stabilitos
