A Győri Püspökség Körlevelei, 1900
Tartalomjegyzék
21 VI. S. Stephanus Proto-Rex et Apostolus noster morti proximus regnum et populum suum, a se ad fidem Christi et in gremium Ecclesiae catholicae perductuny materno patrocinio Beatissimae Virginis Dei Genitricis Mariae commendavit, quam abinde Hungari Magnam Dominam suam et Patronam nuncupant ac venerantur; unde et patriae nostrae titulus honorificentissimus »Regnum Marianum« accessit et invaluit Sane Magnae Dominae nostrae potenti patrocinio potissimum in acceptis referendum est, quod gens nostra et regnum Hungaricum inter tot et tantas adversitates — non obstantibus etiam in ea ipsa exortis crebrescentibusque corruptelis — per millennium subsistere, ac nationalem suam integritatem et independentiam vindicare et conservare potuerit. Aequum itaque omnino et justum est, ut jubilari hoc Regni nostri Mariani anno venerationem et gratitudinem nostram erga Magnam nostram Dominam et Patronam devotionibus peculiaribus testatam facere, Ejusque maternam protectionem patriae et genti nostrae pro futuro quoque impensius implorare satagamus, ac devotionibus hac intentione praesuscipiendis imprimis mensem Majum, alias etiam communiter singulari Beatissimae Virginis cultui dedicatum, consecremus. Hoc fine sequentia in Domino dispono : 1. Devotio Majalis, ubi jam laudabiliter viget, hoc anno ad praeindicatam piam intentionem, quo fieri poterit, solenniori modo asservetur, et in sacris adhortationibus tali occasione haberi solitis uberius et saepius fidelium animi reflectantur ad multiplicia beneficia, quibus patria' et gens nostra patrocinio Magnae Dominae nostrae ubertim cumulata est. 2. In singulis etiam parochiis reliquis, ubi devotio haec Majalis annua necdum introducta est, durante mense Majo anni hujus quotidie, hora vespertina populo maxime accommoda, asservetur in Ecclesia parochiali coram SS. Sacramento in ciborio exposito brevis devotio, orando cum populo Litanias Lauretanas, hymnum aliquem de BMV. decantando, data in fine benedictione cum ciborio. 3. Diebus Dominicis et Festis mense Majo occurrentibus adnectatur Litaniis Lauretanis commendatio Regni B. Virgini Mariae, juxta formulam occasione solenni- tatis millennii vulgatam. 4. Ultimo die mensis Maji celebretur et claudatur haec devotio solenniter cum expositione Sanctissimi in monstratorio, decantato m fine hymno »Te Deum«, et dupplici benedictione. 5. De devotione peculiari hac sic celebranda fideles ultima Dominica Aprilis praevie ex ambone edoceantur ac paterne ad copiosam participationem piam invitentur. Nos cum prole pia benedicat Virgo Maria, Magna Domina et Patrona nostra Jaurini, die 29-a Martii 1900. Nr. 810. Devotio Majalis intuitu jubilaei Regni nostri Mariani. 1 . \ \
